Biak in chung atanga tlain pastor boral

Aizawl | September 14, 2020: Evangelical Free Church of India (EFCI)kohhrana hnuaia pastor, Elson J Thiek (36) Saiphai khua chu vawiin khan Biak thiah hnatlanna-ah biak chung atanga tlain a boral.


 

Pastor Elson J Thiek

Pastor Elson J Thiek hi EFCI Hmarkhawlien (Assam) in biak in an sak that tur thiah hnatlangah thawkin a chungah a lawn a, a lawnna atang hian vawiin chhun dar 10 vel khan a tla a, buaipui a, Silchar ah damdawiin panpui a nih hnuin chhan hman a ni ta lova, a boral ta a ni.
A tlak hma / tlakna

Pastor Elson J Thiek hian a nupui Esther Lalruotmawi, thla leh maia fa beisei mek a kalsan a ni. A nupui nen hian nikkum December thla khan an innei chauh bawk a ni.


A nupui nen hian a lehkha zirlai atanga inngaizawngin kum 1o chuang an inngaihzawn hnu-ah 2019 December khan inneiin, kum khat an la innei tling lo a ni.


A tlak hnu, an buaipui lai

Pastor Elson J Thiek hi Kolasib district a Saiphai khua niin, EFCI kohhran hnuaia PMS School, Saiphai atangin zirna atan a, EFCI bible college - Trinity  College & Seminary, Sielmat Manipur atanga bible a zir zawh hnuin EFCI kohhran-ah pastor atan lak a ni a. Naupang enkawl lam a thiam avangin, Bial bik nei lovin, Child Co-Ordinator in an dah a. He mawhphurhna hi a thihni thlengin a chelh ta rih a ni.

A hla phuah- Lal Nau Ka Lo nih 
- EFCI NC Hills Presbytery Choir @ 43rd EFCI General Assembly

Pastor Elson J Thiek hi zaithiam leh hla phuahthiam a ni a, a hla phuahte hi amahina sak bakah EFCI kohhran zaipawl tam takin an sa tawh a ni.


A thihna hi Assam state chhung, Cachar district-a Hmarkhawlien khua a ni a, a ruang hi Saiphai a lak tumin an buaipui mek a ni.

##Hripui leng vangin State hran a ni bawk nen a ruang hi Saiphai-ah lak thei a ni dawn lo. - Update on September 15, 2020 6:00 AM

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)

Post a Comment

2 Comments

He post chungchanga i ngaihdan lo sawi ve rawh: