ATTACKER TV ANDROID APP


Tun lockdown aṭang hian online movies en hi ka ṭan ve ang deuh chauh a ni a (kan TV nikum lama chhia hi kan repair tak loh avangin!), tam tak chuan a ho ngawt tawh mai thei a. Mahse ka movie en whatsapp lama ka status ve ṭum hian min zawh leh khut ṭhin avangin kan sawi duah leh hluah si teh ang!

Online movie hi ka enna a la rei lo chungin app chi hran hran hi ka hmang kual chhin tam hle a, vawiin thlenga subscription fee ngai lova en theihna application ah chuan Attacker.tv app hi ka duh lawr lak leh ka en tamna ber a ni a. Lo la hre fuh lo leh duh ve in awm takin lockdown laia in down lohna a nih phah tâk mialin.




Features:
📺 Android device a HD Movies a thlawna enna a ni mai lova, Chromecast a la support zui a.
📺 Subtitle hi 90% velah awmin a tam zawkah ṭawng hran hran thlan tur a awm hlawm a. Hei hi chu en dawn apiangin mahni duh berah ON chawp a ngai..
📺 Fakna (ads) a keng tel lo
📺 Website pangngai aiin streaming a chak zawk.
📺 Streaming lama buaina reng reng darkar 24 chhunga fix a ni hman deuh ziah.
📺 Movies leh Shows te hi darkar tin update a ni.

#Download: https://cinehub.to

Tuna version thar ber - v2.2.3 - ah hian permission an bilh tam deuh vangin Play Protection in a block/warning ṭhin a, ṭhenkhatin an hlauhthawn phah ṭhin.. Chuvangin play protection in a block lohna turin a block chhan permission zawng ka remove a, telegram hmang tan chuan ka mod sa pawh hi a hman mai theih ang.. A duh chuan i download zawk mai dawn nia, tichuan ngaihngam takin i en thei tawh ang..

CineHub v2.2.3 Mod @ https://t.me/hmangchang/314

Telegram i hmang a, i chunga mod version hi i hmu thei lo a nih chuan Android Hmangchang Channel (@ https://t.me/hmangchang) hi i join hmasak a ngai mai thei bawk..

1. I install chuan a app hming hi Cinehub.to tiin a lang ang a, buai suh ang che.
2. I duh chuan account siamin i login ang a, hei hian i activity history vel a save tel thei dawn a, movie i en lai aṭanga resume a theih phah ang.
3. Login lo pawhin i duh duh i en thei tho ang.
4. A hnuai lamah khan Home, Movies, YV-Shows, Search & More tab a awm a. Hei hian thil a tisam hle a.
5. Movies leh TV-Show tab a khawi zawk zawkah pawh hian lut la, FILTER (a chung dinglam kila line 3 inchherchhuan) kha hmet la: release year, genre & countries option hmangin a filter theih a
6. Movie play hnuah a hnuai lai taka CC tih kha a lo awm chuan click in a sub-title tur i thlang thei a.
7. Sub-title la awm lo a nih chuan a movie kha a la thar viau emaw an site ah an la dah thar ve chauh emaw, a nih loh vek chuan subtitle an la peih fel hman lo emaw a tihna a ni.
8. Movie reng reng an dah luh thar tih lovah chuan rating a awm zel a, movie en ngai lo tan pawh a rating a zirin en tur hriat a sam hle bawk.
{Rating hmu hniam tak hmuhnawm tih ka nei zeuh zeuh tho a, rating sang tak hmuhnawm tih loh pawh ka nei tho. Mahse a tam lem lo. Mizo nen hmuhnawm tih zawng a in ang lo deuh te pawh a ni mahna..}

CineHub Support: Telegram i hmang a nih phei chuan a fel lo lai report tur te, movie request tur te leh suggestion nei te hman atan bot an siam a, he bot kaltlang hian app developer hnena i duh thlen zung zung theih a ni a. Telegram i hmang ve a nih chuan a hnuaia link hi click in i lo chhunzawm ve tawh mai dawn nia..

Tin, a muang viau a, a in buffer nasa a nih a, Telegram i hmang ve a nih chuan a hnuaia UFO VPN Premium hi download a install in connect la, han en leh chhin teh mah!

A mawlmang ber tan pawh hman a sam em avang leh min dil an awm leh nawlh nawlh ṭhin avangin, in lockdown nun ngui leh nguaina a chhem kian tak mialin tiin ka rawm share ta hluai mai a ni e.

Hun nuam tak hmang rawh u.



(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)

Post a Comment

0 Comments