Sept 14, 2020: NDA candidate leh JD(U) MP Harivansh Narayan Singh chu vawiin Thawhțanni hian Rajya Sabha Deputy Chairman atan roreltu lam candidate hian thlawptu a neih tam avangin inthlan kher ngai loin țawngkain (voice vote) thlan tlin a ni tih puan a ni.
Harivansh Narayan Singh JD (U) hi tun țum hi Rajya Sabha Deputy Chairman atan vawihnih thlanna a ni. Eptu lam pawl te chuan RJD MP Manoj Sinha chu an rawt thung a ni.
Harivansh Narayan Singh, thlan tlin anih hi Prime Minister Narendra Modi chuan a lawmpuina thu sawiin Chanchinbu mi a ni emaw vantlang tana thawk țhin a ni emaw JD(U) hotupa hi amah leh midangte pawhin an ngainain an duh hle a ni a ti. "Rorelna țha taka a kaihhruai tawh dan kan hre chiang a ni," tih thu PM Modi chuan Rajya Sabha ah a sawi.
"Harivansh kaihhruaina hnuaiah hian hleih neihna a awm lo a, inkhelhnaa hamrik hamtuin țan bik nei hauh loa lai taka hamrik a ham ang hi a ni a, hun lokal zel turah pawh chutiang chu a la ni zel ang, a tih tur te inpe zo taka thawk țhin a ni," PM chuan a ti.
Vawiin chawhma lam khan BJD Harivansh Narayan Singh chu Rajya Sabha depurty chairman atan an thlawp thu an puang a, JD(U) hotupa Nitish Kumar chuan Odisha CM Naveen Patnaik chu September 10 khan biain JD(U) MP chu Rajya Sabha Deputy Chairman atan thlawp turin a lo ngen tawh a ni.
Hetiang tho hian kum 2018 pawh khan BJD hian Singh hi Rajya Sabha deputy chairman atan an lo thlawp tawh a, Congresss candidate B K Hariprasad chu a hneh a ni.
Rajya Sabha Deputy Chairman hna hi April, 2020 khan Harvinash Narayan Singh Rajya Sabha MP nihna term tawp vang hian a ruak tawh a, hri pui len vangin inthlan hi buatsaih mai theih a ni lo a, amah bawk hi thlan a ni leh ta a ni.
TUNGE A NIH?
Harvinash Narayan Singh hi June 30,1956 khan Bihar ah a piang a, thiamna lamah chuan Banaras Hindu University ațangin MA Economics a nih bakah Diploma in Journalism a ni.
Politics a luh chilh hmain Chanchinbu lamah a inhmang a, Times of India ah bul țanin hemi hnu hian Newspaper hrang hrangah a thawk nual tawh bawk.
Chandrasekhar Prime Minister anih khan Addl. Media adviser ah a awm a ni. Hemi hnu kum 1989 khan Hindi țawng Chanchinbu thi lek lek tawh "Prabhat Khabar" chu tuai tharin a enkawl a, India ram chhunga copy sem chhuah tam ber te zinga mi ni hial theiin a hlawhtling a, he Chanchinbu hian mi lian leh politics a thil ti theite sulhnu chhui (investigation) lam an ti nasa a, chung zingah chuan Fodder Scam pawh kha an chin chhuah zinga mi a ni.
Kum 2014 khan Bihar ațangin JD (U) chuan Rajya Sabha MP atan an thlang a. August 8, 2018 khan NDA chuan Rajya Sabha Deputy Chairman atan an theh chhuak a, vote 125 - 105 in eptu candidate a hneh a ni. Kum 40 chhunga Congress Party ni lo Rajya Sabha Deputy Chairman 3na a ni.
Vawiin September 14, 2020 hian NDA chuan candidate nawn lehin vote thlak kher ngai loin _voice vote_ hmanga thlan a ni leh ta a ni.
Source :
Times of India
September 14, 2020
@ 17:48 IST
===14==09==20==
Huna Kawlvawm
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Instagram: https://www.instagram.com/explore.mizoram
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: