CENTRAL SORKAR SUM PUK TUM ZAT ₹ 12 LAKH CRORE AȚANGIN 63.8% PUK A NI TAWH

Oct 01, 2020: Central Sorkar chuan nimin khan ₹4.34 lakh crore (trillion) tun tangka kum chanve hnu lam hian puk a tum tih sawiin, tangka kum pumpui chhunga sum puk tum zat chu kumin May thla khan  ₹12 lakh crore ah tihsan a ni.



Economic Affairs Secretary  Tarun Bajaj, sawifiah dan chuan budget a sum puk tura dah ațangin ₹12 lakh crore ah May thla khan tihsan a ni. Budget a sum puk tura a tira dah zat  (original budget) chu ₹7.6  lakh crore a ni a, covid-19 pandemic avanga Sorkar sum hmuhna, chhiah leh thil dang ațanga sum a hmuhna zawng zawng a sawng te fai vek a, hemi avang hian sum puk tur tihsan mai loh chu Sorkarin tih tur dang a nei lo a ni . 


Tarun Bajaj sawi dan chuan 2020-21 tangka kum chhunga sum puk tur hi,  ₹12 lakh crore ruahman phawt a ni a, hemi ațanga hian Sorkar chuan ₹7.66 lakh crore lai a puk  tawh a, chu chu puk tum ațangin 63.8% lai a tling tawh, tih thu a sawi.


Coronavirus vanga India ram pum inkharkhip avangin sum leh pai thawk chhuak tura hma lakna leh tha thawhna lam zawng zawng  chawl vek chu June thla ațangin zawi zawia thlahdul chhoh a ni a, hemi avang hian Sorkar hnena chhiah lut pawh zawi zawi chuan hma a sawn ve hret a ni. Hetiang anih avang hian "sum hmanna tur lamah pawh páwk theih a ni lo a, a pawimawh dan angin kan thliar hrang lo thei lo a ni. Chuvang chuan ₹12 lakh crore chiah tangka kum pumpui chhunga puk anih theihna turin theih tawp kan chhuah a ni. Kum chanve dang la awmah hian ₹4.34 lakh crore chauh puk theih a ni tawh a, chu chu 12 lakh crore ațanga 36.1% chauh a ni tawh," Bajaj chuan a sawi.


Vawiin October 1 hi September thla chhunga GST ațanga sum hmuh zat Finance Ministry in a tih chhuah ni a ni a, hri pui avang hian Central & state Sorkar chhiah khawn khawm zawng zawng a tawm te vek a, hri pui kara sorkar sum leh pai țhanna lam Central Sorkarin a ngaihthah a thiang si lo a, chutiang tho chuan state lian tam ber pawhin hri pui vanga hlau leh tawmîm reng theih a ni lo tih an hria a, lockdown kaihhruaina an phelh thawl tial tial a, hripui kara țam tla mai thei anih an hmuh hmaih hauh lo.  


State Sorkar sum puk theih zat pawh 2020-21 chhung hian GSDP ațanga 3% a hrut a ni a, State tam takin an sum puk theih zat bituk hi an kham khawp dawnin a lang lo. Chuvangin, he hri pui leng mek hlauhawmzia lam sawi vul chuk reng thei dinhmunah kan ding chiah em tih te kan ngaihtuah tel a țul lo thei lo a ni. 

Source :
Live Mint
September 30, 2020 

==01==10==20==
Huna Kawlvawm

Post a Comment

0 Comments