CHESS: Online Chess-ah Mizoram team in Nagaland hneh

Aizawl | October 1, 2020: Nizan 7:30 PM khan Online Chess Team inel naah Mizoram Team chuan Nagaland team an hneh. Mizoram team hian 306 points hmuin Nagaland lam hian 179 point an hmu bawk a ni.

Minute 90 chhung inkhelhah hian game 181 lai khelh hman a ni a. Move 13055 lai a awm nghe nghe a, players te lichess rating chu chawhrualin 1934 a ni.


Nagaland team hian MCA( Mizoram Chess Association) ah chona an rawn thlen a, MCA hian pawmin MOCOC (Mizo Online Chess Organising Committee) kutah a hlan chhawng leh a. Ruahmanna engkim peih fel a nih hnuah tluang taka khelh a lo ni ta a ni.

Player 15 ve ve in an khel a, mimal anga team tan a point score hnem ber chu  Lalbiakmawia (Lichess ID= Hnehtuliana) Mizoram Team a ni a, points 42 lai a score a ni.

Team tan a sore tlem ber chuan 4 point a hmu thung bawk.

Nagaland team hi an player chhuanvawr Mughaho Awomi in a rawn hova, Mizoram team hi Master Zamtean a ho ve bawk. 


Team tan a score tam top10 players:

1. Lalbiakmawia,  Farkawn -42 points

2. C Lalrinsanga, Bethlehem vengthlang -36

3. James Lalsangzuala Tuivamit-30 points

4. T Lalpekliana Lunglei - 23

5. Lalrinmawia khatla -23 points

6. H Rampanmawia Venghlui -21 points

7. Jefrey Vanrammawia Lunglei -21 points

8. Khoveto_vero (Nagaland) 20 points

9. Jimmy Pachuau Sualsuk - 20 points

10. Lalfakmawia  Chawngtlai- 20 points

Post a Comment

0 Comments