ZORAM PAVALAITE

Contributing editor, Explore Mizoram

Hmel en reng pawh a pavalai rual pha lo, vanglai nun hmang chho mek he ṭhatlai nun hmang mek vala hian ka pa rual te, nakin lawk a ka pawl telna tur Pavalai pawl chungchang thuziah a lang tlat mai. Hla hian mihring rilru a hneh in, ngaihtuahna a kal bing tir em em a, tunlaia hla lar em em Bungzung Kohhran Pavalai Pawl te sak ngei mai - Zoram Pavalaite hla hmang hian in thai kawi teh ang. He hla hian Zoram pum a fan mek a, a hla sak pui a nuam in, rilru ah a cham reng mai a, a hla zai tir loh pawhin tlangval chu sawi loh Nula thlengin - Lalpan min ko ta, Zoram Pavalaite tiin kan sa kan sa mai ni. He hla mawi tak hi Pu John Zorammawia phuah niin Bungzung Kohhran Pavalai Pawl te hian mawi tak maiin an sa a. Chhungkaw Pa, patling rual in an han rem dup dup mai chu kan sak rual pui ṭhap ṭhap ta mai ni. A hla hi han en mai hian a Pavalai ngawih ngawih a, a patling ngawih ngawih mai, mahse Mizo ṭhalai tam takin kan tlei pui em em thung si.

Music video chu:


A ngaithla tu ten, Pavalai pawl sak tih hre reng tho chungin kan tuipui em em a, changkânna lam a hma kan sawn tawh em avangin, Social Media vangin he hla hi mitin phone aṭangin kan thlir in kan ngaithla thei a, inhmeh lo lam pawh ngaihtuah lovin kan sa kan sa ta mai ni. He hla hi Social Media aṭanga rawn invawrhchho niin, fiamthu anga lar hluai si, mitin rilru ah a cham reng lawi si a, kan sa tawp hlei theilo chu a nih ber mai hi. Kan tuipui tlat a, Youtube Video a entu phei chu a ni telin an pung tial tial, he hla rawn lar hluai hi mizo rilrem zawng tak a ni a, a hla hi sak pui a nuam in, a hla thu lam a awl em em a. Hla satliah a nih loh zia a hriat, a ngaithla tam zawk tur anga lang Pavalai te aiin a tuipui zawk ṭhalaite kan ni hlauh thung. Fiamthu angin rawn lar mahse a hla thu in a sawi ang ngei hian Zoram tan hian Pavalai pawl te hi Lalpan zoram siamṭha a, Kristian chhungkaw ṭha tak din turin min duh a ni tih hi hai rual a nilo.

Pavalai pawl hla kan kur pui a, kan tui pui chiam hi a mak dangdai  khawp mai, kan rilru ah a cham reng bawk si a. Ṭhalai tam zawk ten kan tuipui, kan ngainat zawng nen a tehkhin phei chuan a in perh san em em bawk si a. Fiamthu nan mai mai kan hmang emaw kan tih lai hian, thil tak tak ngaihtuah thleng ila, he hla kan sak tawp theihloh chhan ni a lang hi han ngaihtuah tlâng teh ang u. Lalpa hian Zoram siamṭha tur hian chhungkaw khaipa te min ko a ni tih a lang chiang hle a ni. Pavalai hla mai mai tih theih a ni lo, kan sak tawp theihloh chhan hi Zoram siam ṭha a, Kristian chhungkua din thar tur leh a lam kan hawi theih nan harsatna karah pawh Jakoba Pathian chu kan lamah a ṭang in a hnai reng a ni tih hi hre thar ang u. 

He hla hi in hmuhchhuah nan hmang ila a va duhawm tak em, he hla hi Pavalaite tan chauh ni lo, kan dinhmun tawh mek aṭang te hian Lalpan zoram hi min ko a, a lam hawi turin leh a duhzawng ti a, kan ram a hma aia  siamṭha turin mitin te min duh a ni tih hi hre thar ang u. A bik takin he hla in a tarlan Pavalai pawl a inhmang kherlo chhungkaw pa tin te, chhungkaw tin a mipa te tan chona a va ni em. Pathian thu in a sawi ang ngeiin

I Korinth 11:3 :- 
Amaherawhchu, mipa tawh phawt lu chu Krista a ni, hmeichhe lu chu mipa a ni, Krista lu chu Pathian a ni tih in hriat ka duh a ni. 

Siamtu hian min siam ropui zia kan hriat a ngai, kan chungnun zawkna, hmeichhe lu kan nih zia te leh, kan lu Krista nun mawi tak ang ngei a, kan nun kan hman  ṭheuh ah hian kan fimkhur a va ngai em. He hla Lalpan min ko ta Zoram Pavalaite tih hi kan tun dinhmun a, kan mamawh em vang a ni ange, kan rilru ah a cham reng a, a bik takin hmeichhia hian an tuipui zawk nimai hian a lang. Pathian thu a, a inziak ang ngei hian hmeichhe lu kan nihna hi hriatreng a, Lalpa duhzawng taka nun kan hman theih nan, Lalpa min koh lai hian amah hnaih i tum ang u.


View this post on Instagram

A post shared by Vidstagram 97 (@david__hrahsel) on

He hla hi ngaithla liam mai lovin, he hla hian Zoram mipa te harh a hun tawh zia te, Chawlhtuiningzu  ringawt buaipui a hun tawhloh zia te, kan nupui, kan fanau te rilru kan tih nat tam zawh zia te, kan khawsak leh nungchang  put  in a zir loh avanga hmeichhe awm nem zawk kan hliam fo te hi ava hun tawhlo em. Lalpan min koh lai hian ṭangrual ila, Lalpan min koh ta Zoram Pavalaite tih chham satliah mai lovin, keini pawhin Lalpan a koh mek Zoram Pavalaite hi theihtawp in ṭawngṭai pui ila, Kristian Chhungkua kan din theih nan Jakoba Pathian hi min ṭanpui turin i koh tlâng ang u hmiang.







(Website leh a hnuaia fakna hi lo hmet ve rawh.)

10 Comments

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post