Bollywood star Sushant Singh Rajput leh Mizoram milarte

Aizawl | August 30, 2020: Bollywood star Sushant Singh Rajput (SSR) thihna chuan India ram mai ni lovin khawvel hmun tin a luah a, mi pakhat thihna mai anga lang kha tunah chuan entertainment khawvel leh film industry an buai phah a, ni e, Hnuchhui lama India chhuanvawr Central Bureau of Investigation (CBI) meuh a inrawlh phah ta a nih hi.




Mizoram-ah pawh hamara desh film siam en ngai vak lo pawhin SSR a thihna meuh chu an ngaihven lo thei bik lova, ngaihven leh ngaihsak a hlawh hle a ni ber e.

Sushant Singh Rajput (21 January 1986 – 14 June 2020) hi Indian actor niin Hindi film a chan vanga hriat lar a ni a. Bihar lam chhuak a ni a, tifuh viau lo se chuan Mizoram-ah kawng siamin a lo tel ve reng lo ang tih sawi theih va ni suh! SSR hian TV serial hrang hrang-ah a bul tanin,  Star Plus in an chhuah romantic drama 'Kis Desh Mein Hai Meraa Dil (2008) ah changin,  Zee TV buatsaih Pavitra Rishta (2009–2011) ah a chang leh a, 2010 khan lam hmanga reality show  Jhalak Dikhhla Jaa 4 ah inlanin khami atang phei kha chuan a hming hian dai lam a pan ta lo a ni ber mai.

SSR hian 2013 khan Kai Po Che! chang lehin, Filmfare Award for Best Male Debut-ah hian nominate a lo ni tawh a,  Shuddh Desi Romance (2013),  PK (2014), leh Detective Byomkesh Bakshy! (2015) -ah te chang chho zelin, 2016 a nih meuh chuan India cricketer ropui MS Dhoni nun atanga lakchhuah,  M.S. Dhoni: The Untold Story chu a chang leh a, hetah hian a changtupa ber-ah a chang a, hemi vang hian Filmfare Award for Best Actor-ah nominate a ni hial a, award erawh a la ta lem lo a ni. 
Hemi atang phei hi chuan a hlawhtling chho hle a, Kedarnath (2018) leh Chhichhore (2019) a chang leh a, a thih hnu-a hotstar lama tlangzarh tak Dil Bechara (2020) pawh a chang a  ni.

India policy ngaihtuahtu khawl NITI Aayog chuan Women Entrepreneurship Platform (WEP) tilar turin inremna an lo ziahpui tawh a, Zirlaite pui turin a inpe em em a, mi dang tanpui turin company hial a din tawh a ni.

India film star zinga Manipur hmu tlem te zinga mi a ni a, Mizo tlangval nen pawh sipai hmun a tlawh naah thil an lo ti dun viau tawh bawk a nih kha. Mi ngainat a hlawh a, mi ngaihsan a hlawh bawk a. Hetiang mihring hi June thla khan a chenna-ah thi-a a ruang chhar a ni ta a nih kha.

He thil hian sawi a hlawh a, a bialnu pawhin CBI dawp a tawh phah hial reng a nih hi.

He mihring mi dang tana inpe zo hian mi dang a ngaihsak hle a, amah ngaisangtute pawh a ngaihsak hle tih a hriat. Mi lar zingah chuan Instagram followers ngah-ah an inel tlangpui a, a ni erawhin following a ngah viau thung!

I awih em ka hre lo, mahse, zanin dar 6 vela ka screenshot hi en la, Followers 14.4M a nei a, following 6,615 a nei!


 'A ho e,' i ti em? mi a follow back hnem hi ho i lo tih chuan, hawh teh, Mizoram zim te-a kan mi lar leh lar vak lem lote thleng hian i han bih chhhin ang hmiang!

A hnuaia ka dah hi Mizo zaithiam, Hlaphuah thiam leh evangelist Vanlalsailova IG account a ni a, a ni hian 110K account a nei a, follow back hi 2,343 a nei thung a, hei hi Mizoram leh Mizo mi lar zingah chuan a tam pawl  a ni. (A tam ber ka ti lo aw, a chhan chu ka en vek hman lo.)



A hnuai-ah hian Hmingtea Chhangte kan dah leh a, a ni hian 44.7K followers neiin mi 1,938 follow back a nei thung! 

Hei en leh ang aw,  Zaithiam, thusawi thiam leh Police a ni a, TBC Zaithanpuia a ni.  A ni hian 132K followers neiin mi 223 a follow back thung! 
 Miss Mizoram lamah lut leh ang aw. Miss Mizoram 2017 Rody H Vanlalhriatpuii hian followers 252K a nei a, Mi 845 a follow back a, a hmelhriat leh a thian tha tak tak bak an leng kher lo mai thei.
Miss Mizoram 2018 Thanthani Tuallawt hian followers 117K a nei a, Mi 431 a follow back a, hei phei chu a hmelhriat leh a thian tha tak tak pawh an leng kher tawh lo mai thei.

Miss Mizoram 2018 thlan laia amah reh daih si a thawm ngah tak mai Lily Darnei hian Followers 154K neiin, Mi 1891 a follow back.

 Miss Mizoram 2020 Zirsangpuii Syuhlo hi lo en leh chhin ila, a ni hi Khawzawl district miss a ni bawk a, Miss Mizoram 2020 result puan zana followers 10k nei tling lo khan Miss Mzioram 2020 result puan a ni a, lallukhum khumtir a nih chiah atang khan followers an pung ta zawt zawt a, i lo en ang hmiang.
Mis Mizoram 2020 hian followers 45.3k a nei a, mi 381 a follow thung a. A classmate, a thiante leh a hriatchian deuh an leng tawk viau dawn a nih hmel!
 Mizo Model lar leh College zirtirtu, 2013 a Movie Corner Magazine a a mawng nalh lutuka a lan atanga tlangval tam takin an hriat reng tak Christina Pautu lam i hawi thung ila. Christina Pautu hian Followers 43.2K neiin, mi 644 a follow bawk.
 

Miss Mizoram 2020 pathumna leh Champhai district Miss Lalmuansangi Varte hian followers 12.3K a nei a, Mi 1,346 a folllow a, Miss Mizoram kaihhnawih-ah chuan fans te ngaihlu thiam a, follow back ngah ber a ni hial mai thei.


Zaithiam lamah lut leh ta ila, Feli Fanai hian followers 214K a nei a, mi 413 a follow thung. 


Zaithiam leh hla phuahthiam Kimkima Ralte hi lo en leh ila, a  ni hian 92.5K folloers neiin, mi 238 a follow back a.

 Rapper lar G'Nie hian followers 72.5K neiin, Mi 1,019 a follow back a, Mizo milar, tunlaia lar-ah chuan mi dang follow hnem pawl a ni ve awm e. Hei hi a ni mai thei, a fans tleirawl rual a zuna an uai em em chhan pawh!

 A hnuaia kan dah hi, Lalruatfeli Royte (?) Ofeli Royte a ni a, Miss Mizoram 2014 finalist niin, PCI Mizoram choir term liam taa member a ni a, a ni hian followers 2,263 a nei a, mi 1,154 a follow  bawk a. Mi dang a dah pawimawh hle tih a langin a hriat.

 A hnuaia mi hi Mizo thla la thiam Valtea Camera account a ni a, a ni hian followers 19K neiin, mi 539 a follow leh a.

A hnuaia ka dah hi tuilet hnu-ah Mizo leh Mizoram milar zinga mi dang follow tlem ber nihna pe chiah lo mahila a nih hial a rinawm. Zaithiam Andrew Laltlankima a ni a, Mis 89.9k in an follow laiin, amah hian mi pasarih chiah a follow back a ni.


Milar ni chiah lo, hmannia Music video an suasam tak, an suasam zawk lar ta chiam leh an suasam vanga YT a an video tak zawkin viewers ngah phah ta a an model Nana Grey khan Followers 12.4k a nei a, Mi 1 chiah a follow bawk.


Follow leh follow lo hi eng teh ual niin a lang lo mai thei a, Mahse, an fans-te an ngaihpawimawh leh an ngaihlut zia lanna pakhat a ni.

India film star lar SSR mahin mi 6k+ a follow lai a, Kan milarte'n an thian neih zat pawh an follow lo ang a tih tur khawpa follow back an nei tlem hi eng tak chu a chhan ni maw. Ni e, Mi lar tam tak chuan, SSR ngei pawh hian a account chu a dah public a, mi tinin amah an hmuh a, an hmelhriat theih nan leh an lo hmelhriat belh zel nan bakah an chanchin leh post te media lian ten an lo post chhawn theih nan a ni.

Mizoram a kan mi lar thenkhat erawhin an account an private tawk tawk a, an post leh thil dah te hmun danga post chhawn emaw share emaw embed theih loh tam tak a awm thin a ni.

Khawvel hriata lar ve tho, Bollywood star ni bawk, Alia Bhatt hi en ve chhin ang aw. A ni hian, followers 49.8M a nei a, mi 573 a follow back. A account erawh SSR ang thovin a public ve thung!

Heng zawng zawng i thlir hnu hian SSR in amah ngaisangtute leh ngaihlutute a ngaihlu thiam a, mi 6K+ a follow back hi ho i la ti tho em?

(Post ka publish tawh hnu-ah he thil hi ka hmu a, ka'n dah belh ang e.  I tan chuan 'vawikhat hmeh' a ni mai, nangmah ngaisanga ngaihlutute tan chuan..... "




H Zate
Founder/Editor
Explore Mizoram




(Website leh a hnuaia fakna hi lo hmet ve rawh.)

Post a Comment

2 Comments

  1. Hetianga i chhui peih hi i fakawm ka ti takzet. I thil hmuhchhuah hi a àwm viau ka ṭi, a chhan chu, Mizote chu milar chu sawi loh, dawr nghaktu pawh va biaktlawn deuh ngai kha kan ni tlat a, kan induh ve tâwk a ni!!

    ReplyDelete

He post chungchanga i ngaihdan lo sawi ve rawh: