President hlui Bharat Ratna Pranab Mukherjee boral; PM in pawi a tih thu sawi

August 31, 2020: Prime Minister Pu Narendra Modi chuan President hlui Bharat Ratna Pu Pranab Mukherjee thi chu pawi a tih thu a sawi a ni. 

Prime Minister chuan India ramin Bharat Ratna Pu Pranab Mukherjee boral hi a uiin a sun a ni a ti a. Kan ram hmasawnna atan hian hriatreng tawh tur thil tam tak min hnutchhiah a ni tiin thiamna bik tak nei mithiam leh hruaitu ropui tak,  politics huang chhung a ngaihsan rawn leh mipui nawlpui zing a mi hmingtha a ni a ti. 

Kum tam tak politics a a inhman chhungin Pu Pranab Mukherjee hian economic leh ministry kalphungahte hmalakna chhinchhiah tlak tak tak a siam a.  Parliamentarian tha tak,  uluk taka inbuatsaih thin leh tawngkam bungrua nei tha tak, thufing tak tak sawi thin leh thusawi thiam tak a ni. 

India ram President anih laiin Pu Pranab Mukherjee hian Rashtrapati Bhavan chu mipui nawlpui tana tlawh theih turin a hawng zau tihsawiin President chenna in hi zirna hmunpui,  thilthar puakchhuahna,  hnam nunphung leh ziarang,  science leh literature hmunpui atan a siam a.  Policy kaihhnawih a a thurawn min pek fing tak takte kha engtikah mah ka theihnghilh tawh ngai lovang a ti.  

Kum 2014 khan Delhi ah hian mikhual/mithar ka ni a.  Ka awmtirh ni khatna atangin Pu Pranab Mukherjee kaihhruaina,  support leh malsawmna ka dawng thei kha ka vannei takzet a ni Pu Modi-a chuan a ti a.  Kan inkawmnate kha ka ngaihlu reng fo dawn a.  A kalsan tak a chhungte,  India ram hmun hrang hrang a a thiante,  amah ngaisangtute leh supporter-te ka tawrhpui takzet a ni.
- PIB Aizawl

Post a Comment

0 Comments