INDIA LEH CHINA SIPAI INKARAH BUAINA A THAR A CHHUAK LEH TA

Aug 31, 2020: India leh China sipai te inkarah boruak a sosang thar leh hle a, Times of India a report dan hetiang hi a ni.


DAR 11:15 AM, Aug 31 :
Aug 29/30 China sipai PLA ten a hma lama ram pahnih sipai hotute inbiaknaa ramri chungchanga an inrem tawhna, tun hma lama ramri "awm dan pangngai" (status qua) bawhchhiaiin Pangong Tso Dil chhim lam kam, India chan ram chhung hnu hma thar rawn neiin ramri rawn sawn luh an tum tih hriat a ni, chu mi an tih hma chuan Indian Army te chu lo in ralring hmanin an ruahmanna chu Chinese Army te hian an ti thei lo. Brigade Command level Flag Meeting neih zui nghal a ni.

DAR 11:38 AM
Indian Army te hian inbiakna hmanga inrem taka ram ri chungchang sawi duna, sawi fel țha an ti a, mahse ram ri erawh him taka ven tlat an tum : Indian Army.


DAR 11:40 AM
Galwan Valley a India leh China sipaite inep hi thla 5 hmel a hmu chho țan mek a, June 15 zana an inkhuai nuainaah khan India sipai 20 lai an thi a, China hian a sipai thi zat a zep tlat a, tun hnaiah China sipai thi te thlan 35 chu Chinese Social Media Weibo lamah a puh ruk ațangin a  lar ta hle a, Chinese mipuiin China Sorkar thil tih dan chu an dem hle a ni. 


DAR 11:52 AM
Chusul ah Brigade Command level meeting neih mek a ni.


DAR 12:05 PM 
Indian Army sawi dan chuan Chinese Army te hian tam hneh hmanga India ram lama luh huk an tum a, mahse an remruatna hi Indian Army lamin an lo hriat sa avangin, an thil tum chu a tlawlh ta a ni - ( ANI) . 

DAR 12:28 PM
Indian Chief of Army Staff Gen. MM Naravane chuan Army senior commander zawng zawng te chu LAC hma tawnga thil awm dan vil uluk hle tur leh hmaih țhelh nei hauh lo a thil awm dan uluk taka vil leh hre turin thu pek a ti chhuak. Chinese Army "invilikna" chu dik taka chhu zal thei tura inring reng turin thu a pe.


DAR 12:48 PM
 LOC buaina lai vel hi China hian ținsan mai a tum lo hle. LOC hnai vaiah hian kawng laih, lei dawh, in sak, helicopter țum hmun te ngawrh takin a bei tluk tluk zel a ni.


DAR 1:19 PM
Pangong Tso dil chhim lamah hian China hian India chan lam ram ri rawn sawn thar a tum hma ni hian PLA Airforce chuan an fighter jet J-20 hmangin helai ram ri bul hnaiah hian an rawn hrut kual tirin a rawn phusa deuh chhen tih Indian Army te hian an hmu a ni.


DAR 1:37 PM
Tun thleng hian India leh China sipaite chu Pangong Tso dil chhehvelah hian inpawm chilh leh tharum hmanga innuaina a la awm rih lo.


DAR 2:35 PM
J-20 Aircraft chu LOC hnaih China airbase Hotan, Car Gunsa airbase ațanga rawn thlawk chhuakin LOC bul hnai lamah an rawn phusa chhen a ni.


DAR 3:05 PM
Congress party chief spokesperson Randeep Surjeewala chuan Sorkar chu bei nghalin "kan army ten hlauhna tel loa ram ri an ven lai hian, Modiji meng sen engtikah nge kan hmuh ang?" tiin Prime Minister thu sawi an phut a ni.


DAR 4:45 PM
"Army kutah ram ri a him, Congress ho hi hetiang hunah hian thil lo sawiin lo țap mai suh se," BJP chuan an ti.


DAR 5:27 PM
Ladakh Lt. Governor RK Mathur chuan "Minister of State for Home, G. Kishan Reddy nen Ladakh UT chhunga thil thleng leh awmdan khun khan takin kan sawi dun," tih thu a sawi. 


DAR 7:18 PM 
Chinese Military chuan buaina a sosan zel lohna turin India chu helai hmun ațanga a sipaite thiar chhuak turin khauh takin a nawr : Reuters.



DAR 8:10 PM
Tun hnaiah China ram hi an ding chhuak tih kan hria,keini pawh kan ding chhuak lo bik hlei nem. An țhenawm kan ni a, an kut thak hnawihna tur kan ni bik lo. Mipui tam tak nei ram pahnih kan ni a, indawh tawn leh inhriat thiam tawnna kan neih a țul - S. Jaishankar, External Affairs Minister.



India Today TV in a report dan chuan Pangong Tso dil chhim lamah hian China sipai 200-500 vel August 29 zan dar 11:00 vel khan Indian Army post ah an kal a, Indian Army te chu an cho a, minute rei vak lo chu an inbengberek hman a, an rin aiin Indian Army lam an lo tam si a, Chinese army te hi an tawlh kir leh ta ani.


Indian Army te hian hmelma sipaite chet vel dan leh an țan khawh dan (tactical movement report) intelligence ațanga an hre thei zel niin India Today TV chuan a sawi.



ȚHENAWM HUANGTAU
China hi tun hnai kum engemaw zat kal ta ațang khan Khawthlang ram thil siamtu company lian ten an rama hlawhfa rawihna a tlawm avangin thil siamna lian tam tak an din lut ruih ruih a, chumi zarzo chuan a ram sum leh pai dinhmunin a  țhatpui nasa hle a. Hemi avang hian a chhehvel ram 21 te nen khawmual, tuipuiah an tual thu a chhe mek a, India ram pawh hi Ladakh ah hian a kut thak hrik thlak a chak hle a, India pawhin China hnuai chhiah nih hi a tum bik lo. May thla tawhah khan Chinese President Xi Jinping chuan an ram sipaite chu ral do  tura inbuatsaih turin a lo ti tawh a, an ram chhungah nasa taka tui a len avang leh tunlai hian ei tur an tla chham hle tih ram dang media report chuan a tar lang thung a ni. 


Zanin, naktuk leh tunkar chhoah eng thil nge thleng dawn, dawhkan kilin an sawi fel dawn nge, China hri pui leng karah ngen mu hmanga sawi fel zawk tur ni ta ang tih hi mi tam tak ngaihven leh beng chhitna a ni lo thei lo.



Source :
Times of India live report
August 31, 2020

India Today TV report
August 31, 2020
@ 08:30 PM

====31==08==20=
Huna Kawlni Kawlvawm

Post a Comment

0 Comments