Sawrkarin exam atanga hripui vanga harsatna tawk zirlai a tanpui lo a nih chuan ACCJSU chuan na taka hmalak zawm a tum - ACCJSU

Aizawl | August 8, 2020: "Sawrkarin exam atanga hripui vanga harsatna tawk zirlai a tanpui lo anih chuan ACCJSU chuan na taka hmalak zawm a tum a ni," tiin vawiina Aizawl City College Joint Students' Union (ACCJSU)-in an president Lalruatpuia hova thuthar thehdarhtute an kawmna-ah an sawi.

ACCJSU chuan, hripui leng mek vanga UG exam neih loh chu a duh lo bur." thu sawiin, "Exam nei lo tura hmalakna leh ngenna MZU Examination Department a thlen awm thin pawh tha a ti to hle a ni." an ti.

ACCJSU chuan Zirlai te hmakhua thui tak a thlirin leh, Quality Education mumal awm lo a zirlai ten degree an nei tur chu tha a ti lo tih sawiin, ACCJSU in exam awm lo tura hmalakna a kalpui nia thuthang awm chu thudiklo a ni tih media hma-ah an sawi bawk a  ni.

 

Sawi chhunzawmin, "exam dawn hnaih tak kara Covid-19 public spread hlauhthawnawm dinhmuna kan awm tak avangin leh, veng thenkhat ten total lockdown an puan tak thut avangin Zirlai thenkhat mahni chenna hmun, In leh hostel a rawn haw hma theilo tam tak an awm a. Hengte ngun taka a ngaihtuah hnu-ah exam hi kar -1 (khat) tala sawn an dil a. Nimahsela, MZU lamin chhan hrang hrang avangin kan dilna hi ni  7.Aug2020 (friday) dar 2:30 pm vel khan min pawm sak theih loh thu an dawng a. MZU lamin Exam Schedule pangngai anga ruahmanna a siam tawh chu kal tlangpui a tum ta a ni." an ti.

ACCJSU chuan, "Hripui leng kara zirlaite exam tir kan nih dawn avangin exam avanga Covid-19 rinhlelh emaw, kai emaw an lo awm palh anih chuan an test-na man leh anmahni inenkawlna senso zawng zawng tum sak turin sawrkar kan ngen a. Sawrkarin exam atanga hripui vanga harsatna tawk zirlai a tanpui lo anih chuan ACCJSU chuan na taka hmalak zawm a tum a ni."   an ti bawk.

Tin, exam atanga hripui kai palh an lo awm a nih pawhin Exam chhunzawm rih lo turin Mizoram University Examination Department an ngen a. Zirlaite exam avanga an himlo hle a nih chuan exam luih tir an tum anih pawhin ACCJSU chuan dodal an tum thu an sawi bawk.

Zirlai exam turten an exam-na hrnun an panna kawng chungchangah,  sawrkar hnuaia duty (police force) te emaw, LLTF/VLTF ten khawngaiha harsatna lo siam lo turin an ngen a. Boruak pik tak kara exam tur kan nih avangin exam hall thlenga rilru ti nuamlo thei zawng a buaina/harsatna zirlai exam turte tumahin siamsak lo turin ACCJSU chuan an ngen bawk.

ACCJSU chuan, Kolasib College a zirlaiten an exam na hmun tur an panna kawngah harsatna lian tak an neih thu ACCJSU hnena an thlen thu sawiin, Sawrkar thuneitute a ranglama hma la turin an ngen nghal bawk a ni.

ACCJSU in Under Graduate Exam sawn tura an hmalakna hrang hrang ten awmzia an neih tak loh avangin a hranpaa sawrkar hruaitute dawrna hun a awm tawh Iova. Media kaltlanga an ngenna chu ngaih pawimawh saka, hma laksak turin kan sawrkar an ngen bawk a ni.



(A hnuaia fakna hi lo hmet ve rawh.)

1 Comments

He post chungchanga i ngaihdan lo sawi ve rawh:

  1. Kan khaw kawnga driver leh handyman te an positive sup2 mai siah... Kan khaw hotel lah an chawlhna ve thinte ania... Thin a thawng duh hle ania... Cancel mai se aww😭😭😭

    ReplyDelete

Post a Comment

He post chungchanga i ngaihdan lo sawi ve rawh:

Previous Post Next Post