Sawrkar leh Central YMA in Assam Rifles te chungchang a rang lamin MHA-ah thlen tum

Aizawl | August 22, 2020: Chief Minister Pu Zoramthanga hovin Chief Minister pisa ah Chief SecretaryLalnunmawia Chuaungo leh Central YMA hruaitute  chu vawiin khan tun hnaia Assam rifles hcet dan chungchangah inkawmin, tunhnaia Assam Rifles te chet dan chi hrang hrang chunga an lungnih loh thu leh hmalak zel dan tur an sawiho niin sawrkar thuchhuah chuan a tarlang.


COVID-19 hripui leng mek do kawngah Mizoram sawrkar leh mipui tangrualin theih tawp an chhuah laiin, Assam Rifles ten Vairengte ah mawi lo taka an lo chetna te, chung mai bakah Independence Day-a an lo kal duh lohna chungchang thu te leh, hmun dang danga an chet dan mawilo te he meeting-ah hian an sawi khawm a. Heng thu te hi Assam Rifles te chunga roreltu leh thuneitu Home Ministry hnenah a rang thei ang berin thlen ni se an ti a ni. 

Sawrkarin heng thil thleng te hi uluk taka lakhawmin a ruahman mek a. Central YMA pawhin sawrkar laipui hnena thlen an duh thu an sawi bawk a. Thil nihna dik tak tarlang in, thil thlen dan engmah zep awm lova sawifiahin sawrkar atang leh Central YMA, NGO atangin lehkha thawn thlak a, a tul anga na taka hmalak zel ni se ti in vawiin meeting ah hian an rel a ni.

Post a Comment

0 Comments