PM-CARES FUND HI NDRF HNENA CHHUNLUH A NGAI LO- Supreme Court

Aug 18, 2020: PM CARES Fund -- hri pui dona atan sum hmuh leh sum lut te hi National Disaster Response Fund (NDRF) hnena hlan, chhun luh kher a ngai lo, tih thu vawiin Thawhlehni chhun khan Supreme Court chuan a ti a, PM Cares Fund  tan sum hmuh leh thawh khawm te hi thil țha leh țangkai thawhna tur a nih avangin "thil danglam bik" a ni. Chuvangin Sorkar chu he sum hi  disaster response fund a hlan chhawn chungchangah hian zalenna zau tak a nei a ni tih Supreme Court chuan a ti.

Sum thawh khawm leh eng  țanpuina sum pawh  mi tupawhin NDRF hnenah hian an pe thei tih  thu  NGO pakhat Centre for Public Interest Litigation ten PM-CARES hian Disaster Management Act a  bawh chhiaa dan palzuta din a ni a, heta sum hmuh zawng zawng hi NDRF sumah chhun luh vek tur a ni, tih chungchang thu buai an thehluh a ngaihtuahnaah SC hian thu tlukna vawiin Thawhlehni hian a siam ta a ni. 

 Supreme Court hnena he thu thlentute, thu theh luh hi hnawl in kaihhruaina siam sak tura dil a chu chutiang kaihhruaina Central Sorkar hnena pek chu țul a ti lo. 

Supreme Court chuan National Disaster Management Act hnuaiah ruahmanna thar siam țul nachhan a awm lo a, he dan hi nikum November thla mai a siam kha a ni a, hri pui leng mek COVID-19 dona atan hian a țha  tawk tiu teu hle a ni, a ti. 

Prime Minister's Citizen Assistance and Relief in Emergency Situations (PM CARES) Fund hi  March 28, 2020 khan eng buaina leh harsatna leh chhiatna pawh dona tura din a ni a, chu chuan tuna hri pui laka harsatna tawk leh țanpui ngai te zawng zawng țanpui theih a ni. Prime Minister chht ex-officio chairman a ni a, defence, home, finance ministers te chu ex-officio trustees an ni.

Judge pathum awmna -- Justices Ashok Bhushan, R Subhash Reddy, MR Shah te chuan he thu remna hi video-conferencing hmangin an puang a ni. 

" PM-CARES Fund hmuh leh hman dan kawnga thianghlim leh lang tlang taka vawn leh dan hnuaia enkawl hi a țul a, mipui leh inphalte sum thawh khawm anih ang ngeia enkawl tur a ni. 

"Ringhlel taka PM CARES fund chungchanga  High Court leh  Supreme Court hnena thlen hi a țul lo reng a ni, "Union Minister Ravi Shankar Prasad  chuan Supreme Court thu tluk hnu hian a sawi. A sawi zelnaah Congress hruaitu Rahul Gandhi chu na taka khakin, Sorkarin hri a dona kawngah țanpui leh finchhuah a hnekin Sorkar hma lakna apiang "ti țhuanawp zawngin" coronavirus kan hma chhawn Ni 1na ațang khan a la khawsa reng a ni tih thu a sawi. 

 Congress leh mi tu tu te emaw hian dan chhungah a him chiah lo a ni tiin PM CARES fund hi an sawisel țhin a, Prime Minister's National Relief Fund (PMNRF) a awm tho laia a hranpaa din hi an selna lian tak chu a ni.  Chu bakah he  fund hi  Comptroller and Auditor General of India in an endik turin a huam ve loh vang a ni.

Central Sorkar erawh chuan  PM CARES Fund din chhan hi sawifiahin, mipui leh vantlang mi inphalte hnen ațanga sum thawh khawm dawnna leh hman tur liau liau a ni a, Sorkar sumpui ațanga sum hmuh tumna (budgetary allocations) a awm lo a, he sum hian a bitum tur ber chu chhiat tawhna leh harsatna tawk te tuam hlawm a, chhawmdawl a ni. Chu bakah  PM Cares Fund din phalsak lohna lai hi NDRF Act ah hian a awm lo tih chu Sorkar țanna a ni. 

Source :

NDTV

August 18, 2020

@ 3:56 PM IST

====18==08==20=

Huna Kawlvawm