MZU hostel pahnih union minister in hawng

Aizawl | August 27, 2020: Union Education minister Ramesh Pokhriyal ‘Nishank’ chuan nimin khan  Mizoram University (MZU) hostel thar pahnih - Thorang Hall of Residence (Boys) leh Zamzo Hall of Residence (Girls) chu video conference kaltlangin a hawng.

MZU Vice Chancellor Prof KRS Sambasiva Rao chuan, Minister of Education, Ministry of Education leh UGC hnenah zirna sang zawk tihchangtlun nan a an hnathawh zawng zawng vanga lawmthu a sawi bakah, Mizoram University tana an hnathawh naah lawmthu a hrilh bawk. Vice Chancellor chuan heng hostel pahnih te hian zirlaite tana hostel indaih lohna chu a phuhruk sak ngei a beisei thu sawiin, zirlai hmun hla tak tak atanga lo kal te leh Mizoram pawna mi te tan malsawmna a nih ngei a rin thu a sawi bawk.



Heng hostel pahnih sakna tur hian UGC hnen atangin fund dawn a ni a. March 28, 2017 ah sak tan niin August 31, 2019 khan sak zawh a ni a, seat 100 ve ve nei tura ruahman a ni.

Post a Comment

0 Comments