TWO-WHEELER AȚANGA GST RATE TIH TLEM CHUNGCHANG

Aug 26, 2020: Finance minister Nirmala Sitharaman-in nimin Nilainia lir thei ke hnih nei hralhna ațanga chhiah sorkarin a lak țhin --goods and services (GST) tih hniam chungchanga "hei hi GST Council-ah ngaihtuah a ni ang," tih a sawi avangin vawiin lama two wheelers siamtu company stock market a an share market lam a vawrh kang nghal a. Chung zingah chuan Hero MotoCorp Ltd, Bajaj Auto Ltd, TVS Motor Co. Ltd te share hlutna chu 2 - 5 % in hma lam a pan nghal a ni.


Finance Minister Nirmala Sitharaman chuan Confederation of Indian Industry (CII) hotute nen nimina an inkawmnaah two-wheelers ațang GST lak tih hniam chungchang rawtna chu awm leh țha a tih thu a sawi. "Two- wheelers hi nuam tawlna bungrua (luxury goods) a ni lo a, mihring tana țha lo leh nuam tawlna (sin goods) a ni chuang hek lo, chuvangin a leituten chhiah Sorkar hnena an chhun luh hi GST Council ah ngaihtuah that a ni ang", tih thu CII hotute chu a hrilh a ni. 


"India ram chhunga mi nawlpui (middle income group) ten thil țul, mamawh leh khawilo vah velna atan an chhawr țangkai em em two wheelers leh heng bungrua leh thil dang -- mihring hriselna atan pawi - zuk leh hmuam - tobacco products te, nuam tawlna atan hman --luxury car, yatch, vessels te nen GST rate thuhmun reng an chawi a ni," tih thu AMRG & Associates, senior partner Rajat Mohan chuan a ti. 

Tun dinhmunah hian two WHEELERS hralhna ațanga chhiah (GST) lak hi 28% a ni a, chu chu GST hman hnua chhiah chawina tam ber a ni a, hemi ațang chhiah a tlak hniam chuan two-wheelers hralh pawh a lo pung anga a bik takin a man tlawm mi naran ban phak lam a ni zual ang.

"Thil leitute hian thil man chungchang hi an beng khawn a, an ngaihven hle a ni. A man a tlak hniam phawt chuan ngaihventu leh lei duh an pung chawpchilh nghal ngei ang," tih thu  Mahantesh Sabarad, head-retail research, SBICAP Securities chuan a sawi.

Hetiang chhiah lak tlem rawtna awm hi sorkar-in a tih puitlin chuan two-wheelers lei duhtu tla hniam mek hi an rawn pung leh nghal ngei dawn a,  a siamtu company lian Hero MotorCorp pawh hian hlawkna an hmuh tam tak hi India ram chhung ațanga hralhna ațangin a ni a. Thingtlang khaw lian leh te deuhah a man a san avanga lei phak loa inngai mi tam takin an ngaihven thar ang, an ni hi ram chhunga motorcycle executive segment hralh hnem ber an ni.  Bajaj Auto leh TVS Motor te hian  three-wheeler an siam tel bakah ram pawn lamah an thawn chhuak bawk. 

Two-wheelers ațanga GST hi 28% ațanga 18% tih hniam rawtna a awm a, hei hi GST Council September 17 a meeting hunah ngaihtuah tura chhawp chhuah ngei beisei a ni. 

Source :
Economic Times 
August 25, 2020 

Livemint
August 26, 2020 
@ 01:18 PM IST
====26==08=20==
Huna Kawlvawm

Post a Comment

0 Comments