Aizawl | August 27, 2020: Darlawn Covid Care Centre a volunteer thawk turin Darlawn khaw nula, Dr. PC Vanlalhlui d/o Lalrammawii, tuna Bawngkawna awm mek chu a in pe.
Dr PC Vanlalhlui hi kum 24 a upa a ni a. Bachelor of Homoeopathic medicine and Surgery (B.H.M.S) a ni a. Solan Homoeopathic Medicine and Surgery, Shimla University atanga zirchhuak a ni. August 28, 2020 atangin hna zawm tan ang.
Tunhnaia Darlawn Primary Health Centre(PHC) Staff Nurse thawktu mi pali(4) zinga pahnihin an hna an zawm theih loh avang leh staff nurse pakhat home quarantine a nih avanga thawktu indaih loh avangin volunteer Nurse mi pahnih a tul anga chhawr turin an inpe. Volunteer nurse te hi Hmangaihlalremruati d/o Lalkhawngaiha, Bethlehem Vengthlang leh Lalbiakkimi d/o Zaliana Kepran, an ni a. Hmangaihlalremruati hian a hna a zawm tawh a ni.
Darlawn PHC-a laboratory technician pahnih indaih lohna phuhrukna turin volunteer laboratory technician mi pahnih an inpe a. K. Lalchawimawia S/o K. Malsawma Ratu, leh Caroline Lalnunpuii D/o A.Lalrinmawia Darlawn, te niin, an hna an zawm tawh a ni.
A tul huna motor khalh tura koh mai theih turin driver volunteer Raymond L Pakhuangte S/o Johanthanga Darlawn a in pe bawk a ni.
Darlawn Covid Care Centre, Tourist Lodge enkawl turin Sakawrdai CHC atang Dr. JH Vanlalnunmawia MBBS chu attached in lak a ni bawk a.
Volunteer thawktu an awm theihna tur hian bialtu MLA leh Minister ni bawk Pu Lalchhandama Ralte chuan theihtawp chhuahin hma a la a ni.
- DIPR
Post a Comment
He post chungchanga i ngaihdan lo sawi ve rawh: