Pawl 12 a zirlai atanga Pheikhawk siama ama mamawh intum thin, Pawl 12 pass zo chiah, hripui vanga college la chhunzawm thei lo Sangpuia chuan, "Pheikhawk hmuh leh en hi nuam ka ti hrim hrim a, pheikhawk reh thei lo tihfaina hi a awm ka ring tlat a, google leh youtube lam atangin ka in-en a, ka pheikhawk hlui te ka chei in ka siam tha a, chuta tang chuan mi dang pheikhawk tihfai leh siam atanga inhlawhna a awm theih takin tiin ka inzir zel a ni" a ti.
Sangpuia hian 2019 October atang khan Pheikhawk tihfai, siam that leh chei mawite hi a ti tan a, a hlawk ve hle thu sawiin, mi dang tan pawha tih ve chi tak nia a hriat thu a sawi.
Nuam tih zawng zawhna chu Sangpuia chuan, "Basketball khelh hi nuam ka ti ber a, ka thiam em em chuang lo😄, exercise lak hrim hrim emaw thlan tih chhuah hrim hrim hi nuam ka ti a, chuan, pheikhawk tihfai, repaint leh customize hi nuam ka ti em em bawk." tiin a chhhang.
"Khawih dan hrang hrang hi a awm a, tihfai pangngai hi 300-500 te a ni a, repaint hi chu rawng (colour) tha kan hman avangin a to deuh bik a cheng 800-1500 te ka la thin," tiin pheikhawk a tihfai leh rawng a hnawihthat sak te atanga hlawh a lak dan a sawi.
Pheihkhawk siam chu zahthlak-ah a ngai lova, "eng hna pawh ni se, taima tak leh rinawm taka kan thawh chuan a hlu a ni mai," a ti bawk.
Sangpuia tia hriat hi a hming pum chu Rinsangpuia a ni a, Lalrinmawia Pachuau leh R.Lalawmpuii te fapa niin January 1, 2000 khan a lo piang a, Unau hi pathum an ni a, Mipa pahnih leh hmeichhia pakhat niin, an upa ber hi hmeichhia a ni a, sangpuia a naupang ber a ni.
Kolasib vengthar ah awmin, Kohhran-ah hian Mizoram Presbyterian Kohhran-ah an lawi.
Pawl 12 zo tawhin, tunah hian College luh tan theih hun nghakin a awm ve mek a.
A thil tih hi a zawngchhang tlak a ni ang, "ka la ti zel dawn," a ti a ni.
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: