COVID 19: Hri vei 29 hmuhchhuah belh; Dam 27 chhuak thung

Aizawl | August 28, 2020: Nimin khan Mizoram a test hrang hrang-ah COVID-19 positive 29 hmuhchhuah belh a ni a, dam tawh mi 27 an chhuak thung.

Hrivei hmuhchhuah hi tukin zing dar 7 thlenga sawrkar report tarlan dan a ni a, dam chhuak tawh hi nimin tlai dar 5 thlenga report atanga a lan dan a ni thung.

Heti hian hri vei enkawl lai mi 503 an awm mek a, dam tawh 500 awmin, an vaiin mi 1003 an ni mek a ni.


ZMC lab-ah positive 26 hmuhchhhuah niin,  Aizawl district vek mipa 23, leh hmeichhia pathum an ni a, kum 20 atanga kum 68 inkar an ni.
Rapid Antigen Test positive 2: Mamit district ve ve, Kolkata atanga lo let,Quarantine Facility a awm lai.
Lunglei Truenat positive 1: Lunglei district, Mipa kum 37 mi, Guwahati atanga lo kal, Quarantine Facility a awm.
ZMC lab-a positive hmuhchhuah 26 zinga 16 hi travel history nei, quarantine facility a awm mek niin, symptoms nei 2 an awm

Positive contact 10 an awm:
Zangena Petrol pump kaihhnawih 2, Bawngkawn veng
Khanpui khaw mi police positive contact atangin Zemabawkah positive 4 (Khanpui khua ami hi a hmaa lo tarlan tawh angin Zangena petrol pump contact tracing atanga hmuhchhuah a ni)
Aizawl Venglai LLTF member 3:- Ramhlun South positive contact chhuizui naa rinhlelh ho sample test rualin a remchan avangin an sample laksak ve a ni a, an lo positive ta a ni.
Zokhawsang ah AR 1 positive contact
🔸 Positive contact te hi symptoms nei lo vek an ni.

Post a Comment

He post chungchanga i ngaihdan lo sawi ve rawh:

Previous Post Next Post