PM chuan Defence Manufacturing a Atmanirbhar a ngaih thu a sawi; hemi atan hian hmalakna lian hrang hrang siam a ni a ti

Defence lama Atmanirbhar chuan Indian Ocean region a net security provider ang a India hmalakna a tichak dawn a ni PM chuan a ti

August 28, 2020: Prime Minister Pu Narendra Modi chuan nimin khan Defence Manufacturing a Atmanirbhar Bharat seminar buatsaihah video conferencing kaltlangin thu a sawi a. Defence manufacturing lama Atmanirbhar a tul thusawiin Prime Minister chuan defence production tihpunte, technology thar siamchhuahte leh defence sector a private player-te hnena mawhphurhna thahnem zawk pekte chu an tum a nih thu a sawi a.

Defence Minister Pu Rajnath Singh-a leh a team te chu mission mode a hnathawk a ngawrh taka hma an lakna avanga fakin Prime Minister chuan defense production a intodelh tura hmalakna chuan vawiin atang hian hma a sawn belh a beisei thu a sawi a ni.

Prime Minister chuan India ramin zalenna a neih khan defense production ah theihna, hmalam eng leh ecosystem  tha tak a awm a mahse kum tam tak chhung chu tihtak zeta hmalakna a awm lo a ni tiin Prime Minister chuan kalphung a inthlak danglam mek thu leh defence sector a reform kalpui tura hmalakna ngawrh tak a awm mek thu a sawi a. Hemi kawng a hmalakna lian thamte tarlangin chung zingah chuan licensing process tih hmasawnte, level playong field siamte leh bungraw thawnchhuah lam awlsam zawk a kalpui dan turte a tel a ni.

PM chuan defense sector a inrintawkna neih a pawimawh thusawiin hei hi tunlai zawka thilsiam chhuah leh India ram intodelh a siam turin a ngai a ni a ti a. Thuthlukna hrang hrang kum tam tak chhung lo tikhawitlai tawh CDS ruat te chu India thar siam tura kan inrintawkna tilangtu a ni a ti a. Chief of Defence Staff ruat chuan sipai peng thum inkara thawhhohna leh inrelbawlna ah rah tha zawk a chhuah thusawiin defence procurement lam tichakin a tangkai hle a ni a ti a. Hetiang bawk hian defence sector hawng zauva automatic route hmanga FDI 74% phal chuan India thar kan rinngam zia a tilang a ni a ti.

PM chuan domestic procurement atana capital budget ruahman then te, domestic procurement atan a 101 items tih te chuan tualchhung defence industry te tana phurna siamin a tichak dawn a ni a ti a. Sorkar chuan procurement kalphung tichak tura hma a lak thu te, testing system streamline leh a dangte a kalpui thu a sawi a. Ordinance factories corporatize chungchang sawilangin PM chuan zawhfel anih hunah chuan thawktute leh Defence sector a tichak dawn a ni a ti.

Hmanraw changkang zawk lama intodelhna atan technology tihchangtlun a ngaih thusawiin Prime Minister chuan DRDO bakah Sorkar chuan private sector leh zirna in a research leh innovation lama hmalakna pawh nasa zawk a kalpui tha a tih thu a sawi a. Prime Minister chuan foreign partner te nena joint venture neia production  intawm nei a hmalak an ngaihven thu a sawi bawk a ni.

Sorkar chuan Reform, Perform leh Transform te mantra ah hmang a hna a thawh thu sawilangin Prime Minister chuan Intellectual Property Taxation Insolvency leh Bankruptcy, Space and Atomatic lamah te reform liantham siam tura hmalak mek a ni a ti.

Infrastructure lama hmalakna sawiin Prime Minister chuan Uttar Pradesh leh Tamil Nadu a defence corridor pahnih siam anih thu a sawi a. Uttar Pradesh leh Tamil Nadu State sorkarte nena thawk hovin infrastructure changkang thei ang ber din tura thawk mek a nih thusawiin kum 5 lo awm tur chhungin investment cheng vaibelchhe sang 20 beisei a ni a ti.

PM chuan entrepreneur-te a bik takin MSME leh Start-up nen inkungkaihna neite chhawmdawlna atan  iDEX hmalakna kalpui chuan rah tha a chhuah mek a ni a ti a. He platform hmang hian, start-ups 50 chuang chuan military lama hman chi product leh technology an siamchhuak a ni a ti.

Prime Minister chuan khawvel Economy hnukfei zawk, ngialnghet zawk leh khawvel a remna leh muanna thlen  tura India ram theihna tihchak tum anih thusawiin Defence Manufacturing lama he Atmanirbharta hi duan chhuah a ni a ti a. India chuan a thian ramte hnena ralthuam supply tu ni turin theihna a neih thusawiin hei hian ramdang nen a thawh dunna tichakin Indian Ocean region a "net security provider" anihna a tichak leh zual dawn a ni Prime Minister chuan a ti.

Defence Production leh Export Promotion Policy Draft  kaihhnawih a feedback leh rawtna dawnte chuan a rang thei ang ber a he policy hman a nih theihna atan a pui dawn a ni a ti.

PM chuan tangruala hmalakna in intodelh tura hma kan lakna, Atmanirbhar Bharat  ni turin nasa takin min pui dawn a ni a ti.

*****

- PIB Aizawl

Post a Comment

0 Comments