Aizawl | August 21, 2020: BJP Mizoram Thalai chuan, "Minister of State Dr K Beichhua-in nimina Siaha a mi thar a lawm luhna ah Chief minister Zoramthanga a fak chiam chu a tarmit vuah a fiah lo-ah kan ngai' an ti.
BJP thalai chuan, "Kum hei leh chen Sorkarna chelh a, CM lo ni tawh, Vision mumal tak leh dinchhuahpui tham pawh nei mang silo, mahni hamthatna chauh ngaihtuah tu Leader ani tih a hre lo der mai mai ni-ah an ngaih" thu sawiin, "Covid 19 hripui hi leng lo ngat phei se chuan Mizoram a Treasury te hi tun MNF Sorkar ah hian khar a ngai thup tawh zawk ngei ang," tiin thuchhuah siamin an atarlang.
"Covid 19 hripui leng hi MNF Sorkar tan malsawmna thlentu leh mualphona tur hliahkhuhtu a nih a ni,' an ti a.
" 'Sum atam' tia thawchham lek lek a sawi thintu CM Zoramthanga chu a duh ang sum hman tur Untied Fund a neih loh avangin a chhungril a rum viau, an rin thu BJP Thalai chuan thuchhuah siamin an tarlang.
BJP chuaan, MADC hnuaia MNF Legislature Party Leader MDC Lalmalsawma Zasai -in, 'BJP Mizoram Hruaitu zin ten Covid19 bak an hawn lo ang,' a ti chu, BJP Hruaitu Covid 19 vei a hria em? tih an zawt let a, BJP Mizoram hruaitute pawimawh leh pawimawhloh hrelo tur khawp MDC a ni pawh hi Siaha a a bial mipui te tan chuan vanduaina ah an ngai a, a bial mipuite pawhin harh phah nan an hman ngei BJP Thalai te chuan an beisei thu an tarlang a.
"Pu Lalmalsawma hian BJP hruaitute an pawimawh leh pawimawh loh a hriat duh chuan an pute zawt mai se, an sawi that duh chuan a hre fiah mai dawn a ni," an ti bawk.
Post a Comment
He post chungchanga i ngaihdan lo sawi ve rawh: