YMA in ruihhlo nuaih 48 chuang hu hal ral

Aizawl | August 21, 2020: Young Mizo Association (YMA) Sub Headquarters, Lunglei buatsaihin vawiin khan Ruihhlo man khawm,cheng nuaih 48 chuang man an halral.

He hun hi Lunglei District MJA President H Lalthansanga chuan khuallian niin a hmanpui a, khuallian chuan, mitlawmngai leh mi inpe ten ram leh khawtlang tana an thawhna chu ropui a tih thu sawiin ruihhlo an man takte chu man loh ni ta se, thalai tamtak leh chhungkaw engemawzatin an buai phah tur thu sawiin an kal zelna turah Sub Headquarters Anti Drugs Squad (SADS) member-te chu duhsakna hlanin heng ruihhlo halral turte hi a dep kai nghal a ni. 

Ruihhlo hal ral takte hi No. 4 hawng 61 niin tualchhung rate chuan cheng nuai 48 leh sing 8 man hu a ni.

SADS report in a tarlan danin thla hmasa July ni 5 atanga vawiin thleng khan damdawi ruih chi Alprozolam mum 268 leh Rakzu um 226 bakah No. 4 hawng 107 an man tawh a ni.



Ruihhlo halralna hun Lunglei venglaia neih hi YMA Sub Headquarters, Lunglei President Lalrotluanga'n a kaihruai.


Post a Comment

0 Comments