COVID 19: Hri vei 22 hmuh belh; enkawl lai 493 awm mek

Aizawl | August 21, 2020: Nimin khan Mizoram hmun hrang hrangah positive 22 hmuhchhuah a ni.

Positive hmuhchhuah te ah hian, Zoram Medical College (ZMC) lab-ah positive 14 hmuhchhuah niin, Aizawl district aṭangin mi 12 leh Siaha district aṭangin mi pakhat an ni a.


Kolasib a Rapid Antigen Test(RAT) hmanga hmuhchhuah hi pasarih awmin, hnam dang driver vek an ni a, Mipa kum 22 aṭanga kum 53 inkar niin, Assam leh Meghalaya mi vek an ni.

Lunglei RT-PCR TrueNAT ah pawh positive pakhat hmuin, mipa kum 28 mi a ni a, Assam atanga lo haw, khunghrana awm mek a ni.

Aizawl District-a positive hmuh te hi, Chaltlang Lily Veng mi pathum, mipa pakhat leh hmeichhia pahnih an ni a,  kum 13, 22 leh 31 te niin,  positive contact aṭanga kai an ni Rapid Antigen Test hmangin COVID-19 positive mipa kum 23 mi, Zangena Petrol pump-a thawk chu Zemabawk North a cheng, Symptoms a neih avangin mahni inringhlela test a ni.

Sawleng khua aṭang pawhin mi pathum kai thar hmuh niin, mipa pakhat leh hmeichia pahnih an ni a,  kum 25, 40 leh 48 annni a,  positive contact aṭanga kai an ni.
Darlawn khua-ah mi pahnih hmuh niin, hmeichhia ve ve an ni a, kum 17 leh 20 niin, postive contact aṭanga kai bawk an ni.
Durtlang North ah hmeichhia pakhat hmuhchhuah ni bawkin, kum 45 mi a ni a, a ni pawh hi positive contact aṭanga kai a ni bawk.
Heng bakah hian, Agape Quarantine Centre, Durtlanga khunghran mek pahnih, mipa leh hmeichhia, kum 33 leh 45 mi, Manipur leh Assam atanga lo haw ten an vei tih hriatchhuah a ni bawk a.
BSF Camp Sihphir ami sipai kum 29, ZMC risk ward a awm mekin a vei bawk.

Siaha district-a positive hi mipa kum 53 a ni a, Assam atanga lo haw niin khunghran lai a ni.

Nimina Test zingah Kolasib distrixt aṭangin test an tam bera mi 1189 test niin, pakhat hi ZMC ah test niin, a dang hi RAT hmanga test an ni.
Aizawl district in dawtin ZMC ah 448 test niin, RAT hmangin  16 test an ni bawk.
Siaha in dawt lehin ZMC ah mi 37 test an ni a, pakhat a positive. Serchhip hi mi 25 test niin, RAT hmanga test an ni a. Lunglei hi 11 test niin, RAT hmangin 10 leh ZMC ah pakhat test an ni. mamit aṭangin mi 9 test niin, ZMC ah pasarih test niin, RAT hmangin pahnih test annni. Khawzawl aṭangin paruk test an ni a, RAT hmang veka test an ni a, test tlemna ber Champhai district ah mi pahnih niin, ZMC ah test an ni thung.






Post a Comment

0 Comments