COVID-19: Positive thar 26 hmuhbelh; Contact Tracing atangin positive thar awm rih lo

Aizawl | AUgust 18, 2020: Nimin khan ZMC Laboratory-a RT-PCR khawl hmanga swab sample test 235 zingah COVID-19 vei 17 hmuhchhuah thar a ni a. Rapid Antigen Test 25 tih niin COVID-19 vei 5 hmuhchhuah a ni bawk a. Lunglei Civil Hospital TrueNAT laboratory-a sample test 11 zingah COVID-19 vei hmuhchhuah thar 4 an awm bawk.




ZMC Laboratory-a COVID-19 positive hmuhchhuah tharte hi mipa vek niin, Aizawl district a sample lak 16 leh Hnahthial district a sample lak 1 an ni a. Aizawl district a COVID-19 vei hmuhchhuah tharte zingah hian positive contact atanga kai 9 (mipa naupang kum 6 a upa telin) an awm a, an zinga 1 hi travel history neilo a ni a, midang zawng hi kum 13-46 inkar, positive tharte hi Quarantine Facility a awm lai vek an ni a, Quarantine Facility atanga inkaichhawng ni a hriat an ni. An zingah hian Assam Rifles 3, Assam Regiment 2 leh BSF 1 an tel.

Quarantine Facility pawn lama Contact Tracing atangin positive thar hmuhchhuah a awm rih lo.

Hnahthial district-ami COVID-19 positive thar hi mipa kum 28 a upa, Assam atang atanga lo kir, Mizoram a cheng sa ni lo, Quarantine lai mek, COVID-19 symptoms neilo a ni.

Rapid Antigen Test hmanga COVID-19 positive hmuhchhuahte hi Kolasib district-a sample test zing ami vek an ni a, hnamdang lirthei khalhtu, mipa vek, kum 18-45 inkar, Assam atanga lo kal vek niin. COVID-19 symptoms nei an awmlo.

Lunglei Civil Hospital TrueNAT PCR Laboratory-ah sample test 11 (mipa - 10, hmeichhia - 1) zinga COVID-19 positive 4 te hi BSF sipai, mipa vek, kum 26 atanga 56 inkar, Saizaikawn Multipurpose Hall a Quarantine lai mek. July ni 24, 2020 a Odisha, Himachal Pradesh, Rajasthan leh Bihar atanga lo kir, COVID-19 symptoms nei lo vek an ni.

Lunglei Civil Hospital TrueNAT PCR Laboratory-ah hian Bsf sipai 8 leh thawktu mi 2 leh tualchhung mi 1 test an ni.


August ni 17, 202O a ZMC RT-PCR laboratory-a District hrang hrang sample test zat

 Aizawl - 180 (Mipa - 119, Hmeichhia - 61)
Hnahthial - 36 (Mipa - 34, Hmeichhia - 2)
Kolasib - 1 (Mipa)
Lunglei - 1 (Mipa)
Mamit - 1 (Mipa)
Saitual - 14 (Mipa - 11, Hmeichhia - 3)
Serchhip - 2 (Mipa ve ve)
Total - 235 (Mipa - 169, Hmeichhia - 66)

August ni 17, 202O a Rapid Antigen Test hmanga District hrang hrang sample test zat

Aizawl - 17 (Mipa - 13 Hmeichhia - 4)
Kolasib - 5 (Mipa vek)
Champhai - 2 (Mipa - 1, Hmeichhia - 1)
Serchhip - 1 (Hmeichhia)
Total - 25 (Mipa - 19, Hmeichhia - 6)

- DIPR

Post a Comment

0 Comments