Aizawl | August 23, 2020: Nimin khan Mizoram district pathum atangin Hri vei 14 hmuhchhuah belh a ni.
Hri vei hmuhchhuah te hi Zoram Medical College (ZMC) lab-ah tangin positive pasarih, RAT in Kolasib-ah hnamdang driver paruk, kum 22-44, State pawn mi vek leh Lunglei Truenat positive mipa pakhat, Pukpui ami hmuh a ni a, positive contact atanga kai a ni.
Hri vei mek hi 494 niin, dam tawh mi 423 an ni a, an vaiin mi 917 an ni.
Zangena petrol pump positive contact tracing atangin Lunglei (Electric Veng) pakhat leh Bukpui pakhat bakah Khanpui pakhat hmuhchhuah a ni.
Khanpui khaw mi positive pakhat hi Saipuma post mek police a ni a, khunghran mek a ni.
Sethawn khua hmeichhia pahnih, positive contact atanga kai Thingdawl quarantine centre-a awm hmuhchhuah niin, Melriat Frontline Worker VLTF member mipa pahnih positive contact atanga kai hmuh an ni a, home quarantine a awm mek an ni.
ZMC RT-PCR positive zingah Electric Veng Lunglei 1 (Kolasib-a awm mek), Bukpui 1, Khanpui 1, Sethawn 2 te hi Kolasib District a sample laksak an nih avangin ICMR guideline angin Kolasib District case-ah dah an ni a. Melriat 2 hi Aizawl Dist case an ni.
Nizan khan Thenzawl AYUSH Hospital CCC atangin COVID-19 vei damchhuak BSF pahnih chhuahtir an ni.
Hri vei mek hi 494 niin, dam tawh mi 423 an ni a, an vaiin mi 917 an ni.
Hri vei tawh hrim hrimah hian mipa 759 niin, Hmeichhia hi 158 an ni.
(Website leh a hnuaia fakna hi lo hmet ve rawh.)
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: