MHA in Unlock-3 hnuaiah mihring veivak leh bungraw phur tana harsatna siam lo turin State-te ngenin a hriattir

Tualchhung a District Administration te'n emaw State Sorkarin emaw veivah a khap hi DMA, 2005 hnuai a MHA inkaihhruaina dan kalh a ni

August 22, 2020: Sorkar laipui chuan State-te chu Unlock-3 inkaihhruaina anga inter-State leh State chhung a mihring veivak leh bungraw phur laka khuahkhirhna siam lo tura ngenin a hriattir a.




Vawiin a State Chief Secretary-te hnena lehkhathawn / hriattirna semchhuahah Union Ministry of Home Affairs (MHA) chuan district/state zingah tualchhung a veivah khuahkhirh an awm tih report an dawn thu tarlangin heng inkhuahkhirhna hian inter state a bungrua phurh leh service kalpui kawngah harsatna a siam a; supply chain a nghawng a, hei hian ei leh bar zawnna a tihkaihlak bakah hna thlengin a tur a ni a ti.

MHA chuan hetiang a tualchhung a inkhuahkhirhna District Administration emaw State in emaw an siam hi Disaster Management Act, 2005 tlawhchhan a MHA in inkaihhruaina a tihchhuah kalh a chetna a ni a ti. 

MHA in July ni 29, 2020 a thupek a tihchhuah hnuai a Unlock-3 atan a inkaihhruaina chuan inter-state leh state chhung a mihring leh bungraw phur veivak khuahkhirh tur a nilo a ti a. Hetiang a veivahna atan hian phalna/pawmpuina/e-permit hranpa neih a ngai lova. Hemi hian thenawm ram ramri a insumdawn tawn tura inremna ziahpui ram atang a ramri kana mihring veivak leh bungraw phur pawh a huam a ni. 

*****

- PIB Aizawl

Post a Comment

0 Comments