COVID 19: Hri vei pariat hmuhchhuah belh; Enkawl lai 483 awm mek

Aizawl | August 22, 2020: Nimin khan Mizoram pumah Hri vei pariat 8 hmuhchhuah belh an ni a, Nimin khan enkawl dam tawh 18 an chhuak bawk a, heti hian hri vei nenkawl mek mi 483 an ni.

ZMC lab-ah positive paruk hmuhchhuah niin,  Aizawl district mi panga leh Serchhip district pakhat a ni.

RAT in Kolasib-ah hnamdang driver pakhat, kum 48 mi leh Vairengte-ah Frontline Health Care-a worker Mizo mipa pakhat, kum 38 mi hmuh a ni bawk.

Nimin khan Lunglei TrueNAT PCR hmangin sample 33 test a ni a. Positive hmuhchhuah thar an awm lo.

Nimin vek khan Lunglei District-a Rapid Antigen Test-ah mipa 3 leh Hnahthial District ah mipa 5 te an negative vek bawk.


Hri vei enkawl mek hi Aizawl district ah tam berin mk 290 an ni a, Kolasib in dawtin 140 an ni a, Lunglei ah 29 awmin, Lawngtlai-ah 10 an awm a, Serchhip ah paruk an awm a, Champhai ah pali, Hnahthial ah pahnih leh Siaha leh Saitual ah pakhat ve ve an nei bawk a ni.

Hri vei mek hi 483 niin, dam tawh mi 420 an ni a, an vaiin mi 903 an ni.

Hri vei tawh hrim hrimah hian mipa  747 niin, Hmeichhia hi 156 an ni.

Post a Comment

0 Comments