BTS in Blackpink khumin record thar an siam!

Aizawl | August 22, 2020: K Pop boy band BTS (Bangtan Sonyeondan), Bangtan Boys tia hriat thin chuan Youtube ah hla thar tichhuakin, darkar 24 chhunga viewers ngah ber nihna  record thar an siam.



Tunlai chu K-Pop in YouTube ah rorel hi a ni ber a, Record an insiam chhawk zak zak mai a ni.

Korean band Blackpink chuan hmanni lawk khan BTS record khumin  record an lo siam tawh a, hei hi BTS hian an rawn khum leh ta  a ni.

BTS hian nimin khan an English Single hmasa ber 'Dynamite' an tichhuak a rinlawk leh beisei lawk angin a lar hle a. Premiere aṭang ringawt pawha thawm lian chuan, music video pangngai an chhuah meuh chuan Record thar siam in Blackpink te chu an record lo siam tawh an rawn luahlan ta der mai a ni.

'Dynamite' hian darkar 24 chhungin 98million+ view tu an nei thei a, darkar 24 chhunga Youtube a video thlirtu nei ngah ber ah an ṭang.

Blackpink in an music video "How You Like That" an tihchhuah khan darkar 24 chhungin 86.3 Million an nei a record an siam pui.  "How You Like That" hi view tam lamah "Dynamite" hian a rawn khum chiang hle a,  darkar 24 leh minute tlem te chhungin "Dynamite" hian maktaduai 100 thlirtu a nei tling hial a ni.

He chanchin ziah lai  August 22, 2020 tlai dar 6:30 thleng hian 131,099,141 views an nei tawh a ni.

BTS te video in entu a ngah theih nan hian Mizoram a Army lam pawh an tang hle a, an elpui Blink te Blackpink record vanga an lawmna ang kha neih tumin an bei nasa a ni.

Mizoram a Army leh Blink te hetiang zawnga an inel ang hian, tanpui ngaite tanpui tura tanpuina thawh leh luanchhuah kawngah inel ve hlauh se, mi dang tan malsawmna an va ni dawn tehreng em!

Post a Comment

0 Comments