Aizawl | August 12, 2020: Covid-19 hrileng mekah frontline duty, NIELIT (Zuangtui) hmun a BSF quarantine veng a duty, Chaltlang Lily veng a cheng leh khawsa mek chu covid-19 positive ani tih hriat niin, hemi avang Chaltlang Lily veng mipui chu an buai hle a, an veng mai bakah veng dang leh khaw thenkhat an buai mek niin exploremizoram.com chuan thu a dawng.
exploremizoram.com thu dawn dan leh Chaltlang Lily Veng Local Level Task Force thuchhuahin a tarlan danin, hemi chungchang-ah hian LLTF ten a tul ang ang an buaipui nghal a, hri vei leh a chenpuite veivahna hnai vai (contact tracing) an chhui zui nghal.
Hrivei hmuchhuah tak hi August 3 leh August 5 ah an chenna inah haw in, August 5 zan hi an inah a riak.
August 6-ah ama Taxi a kalchhuakin naupang pathum a phur kual a, ATM hmanga pawisa lakchhuah tumin a lak tumna hmunah pawisa a awm loh avangin Ramhlun ATM bula mini ATM atangin pawisa a la chhuak. A naupang hruai te hi ama fapa, an inhnuai te nau, lehan thian hnai, Bawngkawn lam a cheng niin sawi a ni. A naupang hruai (inhnuai nau) hi August 8 atang khan Edenthar a an chhungte inah a riak.
Hri vei hmuhchhuah hian, August 3 leh August 5 khan A pizawn Sairang road, Chaltlang Lily Venga cheng-te tlawhin facemask a pe a, a tlawh hmasak zawk hian a thu khawmuang bawk.
A nupui hi August 5 hnu lam khan Bawngkawn Bazar leh Thingsul Bazar (Bawngkawn South)-ah hnu lamah kalin a Bazar a. August 7 khan Sub-centre ah naute vaccine a lak tir a, thawktute leh naupawm kal ve an awm nual niin Task Force chuan an tarlang.
Hemi bakah hian, an fate pawh an lo veivak nual a. Chaltlang lily veng, Vengchhung dawr hrang hrangah eichawp mamawh leia kalin, thenawm hnaivai a thiante inah an lenglut ve hlawm a, Inneitu (inhnuai a khawsa) te nen an in kalpawh nasa hle bawk.
Chaltlang Lily Veng Local Level Task Force chuan chhui zelin, an thuchhuahin a tarlan danin, Kepran khua atangin mikhual an nei a, hemi avang hian Kepran khua Lockdown a ni. Kepran khuaah chhiattawk awmin hemi ah hian khaw thenawm atanga kal an awm nual a, covid-19 vei te mikhual hi Kepran khua niin chhiattawhna ah kalin thenawmah a lut kual nual bawk a. Kepran Khaw thenawm Sawleng khua Lockdown an ni mek bawk. Darlawn a hnathawk a kal thin chu hri vei te nena in laichin hnai, hri vei te mikhual nen a in khat a cheng ho anni a, hei vang hian Darlawn khua pawh Lockdown niin thu thang a awm bawk.
Chaltlang Lily Veng Local Level Task Force chuan, "A kaihhnawih a tam em avang hian Swab sample lak vat a, sample test result hriat vat a tul a ni. Tunah hian zokhaw lamah khua pathum(3) lockdown an ngaih phah a, veng thenawm hnai vai an ral khel viau bawk. Chaltlang Lily Vengah chhungkaw 6 pawnchhuak loa quarantine tir mek anni." an ti.
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: