Zotlang BSF hmunah hri vei panga hmuchhuak; Bawrhsap-in tlawhpawh phal lohna hmunah puang!

Aizawl | August 12, 2020: 61 BSF Zotlang MT Area-a awm BSF mi 5 te Covid-19 Positive an ni tih hmuh chhuah an nih avangin an awmna lai hmun hi luh leh chhuah phal lohna hmun (containment area)-ah Lunglei Bawrhsap V Lalsangliana chuan vawiin khan a  puang.

Exploremizoram.com thu dawn danin, he thupek ang hian,  MT Area “BSF main gate chhim lam leh hmar lam main gate (Laipui awmna) inkar” chu containment area atan puan a ni.




Helai hmun-ah hian, Deputy Commissioner-in phalna a pekte, Medical duty, Police duty leh duty pawimawh nei VLTF leh Sorkar Department emergency duty-te bak helai hmunah hian mi tumah luh leh chhuah phal a ni lo.  - Exploremizoram.com

"Lirthei veivakte chuan helaia kawngpui hi an zawh thei anga, lirthei tih din erawh chu phal a ni lova, mi tumah lirthei atangin an chhuk tur a ni lo." tiin thuchhuah chuan a tarlang.

 




(A hnuaia fakna hi lo hmet ve rawh.)

Post a Comment

0 Comments