Mizo Quotes an sawi a, rilru-a lo lang tel thin 'Ampuii Hmar' hian Thu ril leh ngaihnawm tak tak a ziak a, thu tawi ril leh chhiar nuam nen. Chung a thu phuah leh ziahte chu Instagram leh Youtube lamah a dah a, mi ngainat leh ngaihhlut a hlawh hle a. Mi dang WhatsApp status leh IG story thlengin a luah a. Ni e, Mi duh a hlawh a nih ber chu....
Ni e, he hmeichhia ngei hi a ni, "fam si lova, dam chuang si lo' kha, en teh, kha pawh kha a la ni, "i duhawm em a, ka duham zova, i puma neih che ka duh phah ta a nih hi" ti tu ngei kha..
Ampuii Hmar tia hriat thin Lalramhluni hi Zawlnuam vengpui a cheng leh khawsa a ni a. A pa hi Ramthansanga niin, a nu hi Lalnunhlui a ni.
He mihring ril zet hi November 18, 2000 khan a lo piang a. (A ril ang aiin a la naupang lo ti ngawt suh. haha) Uanu hi hmeichhia pathum an ni a, amah hi a upa ber a ni. Presbyterian Kohhran a lawi an ni.
Zirna lam-ah Pawl 10 hi Govt KR High School, Zawlnuam atangin kum 2017 khan a pass a, tunah hian Women's Polytechnic Aizawl ah 'Diploma in Electronics and Telecommunications Engineering' a zir mek. (A thil zir leh a tuina a inhmeh lo lo ti ngawt suh, haha)
* Quotes ziah bul i ṭan dan?
- Quotes ziah bul Ka tan dan tak hi chu Ka chiang tawh lo. Mizo ten Facebook kan uar tak tak lai vel, Ka khawih ve tirh pawh khan Ka ziak tawh a, IG account tak hi chu 2018 a ka siam a ni.
* Sum i hailut em?
- Sum hailuh nan hian ka hmang lem lo.
*I tawrhna leh lo beih tawh dan:
- Tawrhna leh beih dan han tih tur em em Chu Ka nei lo a mahse ziak zawm leh zawm loh hun hi Ka hre loin,Ka thiam em em loh avang hian hreawm Ka ti thin a,Ka inzir mek zel a ni.
* Harsatna i tawh changa i hmachhawn dan:
- Keimah ka infuih char char thin,keimah hi Ka tha tawk a,Ka chak tawk a ni tiin Ka infuih thin.
* Engtik kum aṭangin nge thu tawi phuah ang chi hi i tui/tih ṭan?
- Middle school Ka kal lai atang tawh khan thutawi neuh neuh lehkhabu a han ziah mai hi Ka ching daih tawh a,social media a han tarlan ang hi Chu 2017 vel atangin Ka titan.
* I tuina hi Mizo ṭhalai tam zawkte tan tui ve chi niin i hria em?
- Quote ziah tak hi chu Ka hre lo le mahse thu leh hla hi chu tui ve na chi,tuipui tham leh manhla a ni.
*Miin hah tak leh hun leh tha senga thuphuah, awlsam taka lo lawchhawng a, mahni kutchhuak anga lo dah thin leh a ziaktu hming thaibo thin ho hi??
- Mahni kutchhuak anga lo dah thin ho hi chu rukru tih bakin sawidan vak Ka hre lo.A ziaktu hming thaibo ho pawh hi mi dang kutchhuak zahna Chang hre lo an ni.
Thu leh hla lam hi i tui ve reng reng em?
- Keima tawkah chuan tui ka inti ve khawp mai.Ka thil tuipui ve tawh zingah chuan ka tuipui ber a la ni.
Engtik kum atangin nge thu leh hla lam i tui?
- A kum ang chuan ka hre chiah lo, middle school ka kal lai vel atangin ka tui ti ila a dik ber ang.
Lehkhabu i ziah/tichhuak tawh em?
- Ka la chhuah lo. Mahse, Pathian zarah pakhat tal tihchhuah ve chu ka tum.
I tuina lamah engnge sawi duh leh vei i neih?
- Ka thiam lem lo nain, Thuziah hi ka tui a,Ka ngaina a. Ka zalenna hmun a niin Ka hria a, Ka inbunruahna leh Ka duhdan tak leh ka ngaihdan tim miah lo a Ka sawi ngamna a nih vang te pawh a ni ang. Mi hmuh tura Ka phochhuah ho quote ho hi chu social media ka hman dan satliah ah kaa ngai mai a. Mi hmuh tur ni lem lo a poetry leh article ang chi, Ka rilru Ka puanchhuahna vel ziah hi ka ti nasa zawk mah, nuam Ka ti. Mi hmuh tur leh mi chhiar tur ni kher lo pawhin i rilrua i vei leh ngaihdan kha han ziak chhuak ve mah teh i thawl huai mai ang.
A duhzawng leh ngainat zawngte:------
Sportsperson- Saina Nehwal
Apps - WhatsApp,Instagram,picsart.
Rawng - Dum
Chawhmeh - Khanghu leh dailuah
Incheina - t-shirt, jeans
Rimawi - classic, hip-hop
Hla- Kan damchhan - C Vansanga
Hla phuahtu - K Hminga leh Lalsangzuali
Ziaktu: C.Laizawna leh Mafaa hauhnar
Mize ngainat zawng - Mi ni deuh huau,mi zau tak,rilru tha leh thlei bik nei lo
#Mize ngai nat loh zawng: - mi ei tum ran,mi hmuhsit ching leh tar zahna nei lo
Hobby- poetry chhiar leh thuziah
Relationship status - Taken
Kawppui atan duhzawng:
- Ka nihna ang ang a min pawmtu leh mi rilru tha
Zawhna dang:
1. A tel lova i awm theih loh: Pathian
2. I nun kaihruaitu: Ka chhungkua
3. Hringnuna i hlauh ber: Tuma hriatthiam loh nih Ka hlau ber.
4. I tih ngai miah loh tur: Eiruk
5. Mizo Tualzal nuna ṭha i tih: Tlawmngaihna
6. Quote i duh ber:
"I tihchhin phawt loh chuan beidawng suh."
7. Mizoram leh Mizo tualzal nuna Mizo hmeichhiate dinhmun:
- Kan chhehvela hnamdang hmeichhiate dinhmun en chuan Mizo Hmeichhiate Kan dinhmun Chu tha tak a ni.Mipa fing apiangin hmeichhia an zahthiam a,Chu chuan hmeichhiate dinhmun pawh a hril thui viau in Ka hria.
8. Hnam hmingṭhat leh hmingchhiat kawngah Hmeichhiate'n mawhphurhna:
- Hnam hmingthat leh hmingchhiat kawngah hmeichhiate hian mawhphurhna Kan nei Lian em em a,Kan zahawmna Kan hum tlat hi a pawimawh em em a ni.Zahawm taka hnamdang hma a kan khawsak tlat chuan Kan hnam hmel Kan timawi thei em em a ni.
9. Hnam ziarang chawinun kawnga Hmeichhiate mawhphurna:
- Hmeichhia hian kan hnam ziarang chawinung tur hian mawhphurhna lian tak kan nei a.Mizo puan va bih reng emaw,Mizo thuam inbel reng lam a ni ber lo a.Kan rilru hi Mizo se,dik se,tlawmngai ila,rinawm ila,zahawm takin nung ila,kan nunzia mawi se,mipa zahthiam ila.
10. Mizote tan 'Fa neih tlem' inzirtir hi a ṭulin i hria em?
- Ti miah lo
11. Khawtlang, Kohhran leh nangmah:
- Inhmang nasa tak chu ka ni lo.
12. Social Media leh Nangmah:
- social media hi ka hmang ve nasa ang reng a,thian inkawm nan leh zirna atan te,a tha lama hman chuan a tangkai khawp mai.Mahse a hman nasat lutuk erawh a tha lo.
13. Mizoram ṭhalai tam tak tlakchham:
- Sual huatna
14. Mizo ṭhalaite hian ngaihsan tur dik an ngaisangin i hria em?
- aih, hre lo.
15. Ngaihsan tur dik nia i hriat:
- Dik inti ni loin mi dik.
16. Hlawhtlinna tura pawimawh:
- Taimak leh tei rei peih
17. I nuna hloh i hlauh ber: Ka chhungte,ka thiante,Ka hmangaih te
Thalaipuite hnena chah duh:
- I tuina chu thilsual leh tha lo a nih ngawt loh chuan bansan suh.Thalai zawng zawng,mi zawng zawng Kan theihna a in ang vek lo a,mi thiam kha i thiam ve lo a nih pawhin,miin I thiam bik riau thil kha an thiam ve vek lo tih hre tlat rawh.
EXPLOREMIZORAM.COM hmuh dan:
- Kei tehlul, Mizo quote ziak thin zingah pawh a thiam lo ber pawl hetianga hun min pe hi ka phu lo Ka inti em em a. Chutih rual chuan, Explore Mizoram hi tha Ka ti a, ka ngaihlu em em bawk a, in kal zelna turah duhsakna Ka hlan a Che u.
- H Zate
Founder/Editor
Explore Mizoram
(A hnuaia fakna hi lo hmet ve rawh.)
I naupanna tuman ngainep suh se... Ka nau fel a nihhi... Ṭang zel rawh
ReplyDeletePost a Comment
He post chungchanga i ngaihdan lo sawi ve rawh: