TEST RESULT NI LOIN A NATNA LAN CHHUAH DAN EN RAWH

Aizawl | July 13, 2020:
What ?
 COVID-19  test-na khawl eng chi pawh hmangin hri i kai lo tih (negative) result a ni thei, mahse ngaih ti țha ngawt suh.  He natna lan chhuah dan ang (clinical symptoms) angin i awm em tih ngaichang ang che, chutianga COVID-19 natna anga i awm anih chuan test result nghak khawmuang kher loin in enkawl nghal vat ang che, tih hi  AIIMS doctor te thu rawn a ni.



Why?
Hetianga vawi hnih/thum test result ațanga hri kai hmuh chhuah loh leh khawlin a hriat si loh, test result a vei lo (negative) ni si, anmahnia COVID-19 natna lanchhuah dan anga awm si hi mi tam tak an awm a, vawi 3/4 test-naa khawlin natna kai (positive) a hmuh chhuah tak chauh te an awm. 


 Tun hnai maia thil thleng hmeichhe pakhat kum 80 mi chuan khawsik leh khuh ro, leh thawk harsatna a nei a — Covid-19 hri kai te awm dan (classic symptoms of Covid-19) a ni. Mahse, RT-PCR khawl hmangin a hnar leh hrawk ațanga test sample laka endik a nih pawhin a result ah chuan hri kai lo (negative) a ni zel a.  Doctor te chuan a result chu ni theiin an hre lo a, vawi hnih dang an test nawn leh a, chuti pawh chuan a la negative zel a. Doctor te chuan Covid-19 hri vei enkawlin an enkawl ta a, chutih chhung chuan antibody test dang  Covid-19 a kai em tih an enfiah leh a, hetah hian hri a lo kai (positive) ngei a ni tih an nem nghet ta chauh a ni . " Test hian result dik lo (false negatives) angin a hmu thei a, dam loin natna hrik a pai (viral load) a tlem/hniam viau emaw test tura sample lak a țha tawk lo thei bawk a ni," tih thu  senior virologist chuan Times of India a hrilh. 


*So what  ?*
 " Mi tam tak dinhmunah chuan, dam lo COVID-19 hri kai te lan chhuahdan anga awm te chu hospital a enkawl an ngaih leh ngaih loh thuah an test result nghah tir țhin an ni. Mahse, dam lo chu a dinhmun a tlak hniam chak viau emaw a dinhmun a tlak hniam thut emaw, dam lo chu kum upa lam anih bawk a, natna dangin a tlak buak sa, a bawrhsawm viau chuan enkawl nghal tur a ni, " tih hi   AIIMS doctor  thu rawn a ni.
[ Times of India] 


Hmanni deuh tawh khan Delhi ah junior resident doctor kum 26 mi chu Covid-19 natna lan chhuah dan anga awm si, COVID-19 test vawi engemaw zat tih a ni a, khawlin a natna a hmuh chhuah si loh chu a thi. An mangang chuan áwm lam thiam (chest specialist) an rawn a, X-ray te tiin, awm lam fel lo (chest infection) a neih thu a hrilh a, mahse amah chuan "ka awm dan hi chest infection a ni lo" a ti a, thawk harsa a ti hle tih a unaupa in a sawi.


Hetianga natna khawlin a hmuh theih si loh, a natna anga an awm si chuan, test result nghak kher loa enkawl an țul thu expert te chuan an sawi. 


Dr. Neeraj Gupta, professor Department of Pulmonary and Critical Care and Sleep Medicine, Safdarjung Hospital chuan, hetiang mi, natna anga lang si hi test nawn fo hnua positive ta chauh an awm theih thu a sawi. 
 [ Indian Express] 


Source :
Times of India 
July 13, 2020 
 Indian Express 
July 12, 2020 
@ 15:37 IST

====13==07==20=
Huna Kawlvawm

Post a Comment

0 Comments