HSSLC result July 14 ah; Result tarchhuak dawn lo!

Aizawl | July 13, 2020: Mizoram Board of School Education (MBSE) chuan naktuk chhun dar 12:00 hian HSSLC Examinations, 2020 leh HSLC (Compartmental) Examination, 2020 result tihchhuah a tum.

Result hi MBSE  website- www.mbse.edu.in -ah leh pdf format-in tihchhuah a ni dawn.

Mahse, Result hi MBSE Office, Chaltlang leh MBSE Regional Office, Lunglei-ah tarchhuah a ni dawn lova. Result bu erawh MBSE office aṭangin cheng 150/-in lei theih a ni dawn.

Result tarchhuah loh tur chhan hi sawilan ni lo mahse, hripui laka invenna tur vang a nih rin a ni a. Mipui him zawkna atana hetia ruahmanna siam an nih rin a ni.

MBSE hian hetia result a tar chhuah dawn si loh chuan an website a lun leh hle dawn a, pawl 10 result chhuah laia an website tlawh theih loha a awm anga a awm leh a nih erawh chuan mipui lam tan harsatna a thlen thei dawn niin a lang.

Post a Comment

0 Comments