PM leh Google CEO inkawm; Google CEO chuan Google in India rama investment lian tham tak siam an tum chungchang PM a hrilh

• Google CEO chuan India rama hripui leng do kawngah PM in ram a kaihhruai dan chu fakawm a tih thu a sawi.
• Google CEO chuan Google in India rama investment lian tham tak siam an tum chungchang PM a hrilh
• Loneitute'n technology hi an chhawr tangkai hle a; Artificial Intelligence hi Agriculture lamah hian tangkai takin hman theih a ni ang : PM
• Technology hmangin online education huang pawh zauh theih a nih phah zel dawn a; tualchhung tawng hmang a technology hman tangkai dan tur pawh an sawi a ni.

Aizawl | July 13, 2020: Prime Minister Narendra Modi chuan video conferencing hmangin vawiin khan Google CEO Pu Sundar Pichai a kawm a. 

Pu Pichai chuan Prime Minister hnenah hian COVID-19 inhrilh hriatna leh thubelhchian dawl chauh thehdarh anih theihna atana Google-in hma a lak dan chungchung Prime Minister hi a hrilh a. Prime Minister ruahmanna a inkharkhip neih khan hripui leng do kawngah India ram tan  inbuatsaih hun leh tan hmun nghet tak a siam sak thu a sawi a. Prime Minister chuan thu belhchiandawllo dona leh invendan tur inzirtir kawng a Google hmalakna chu fakawm a tih thusawiin healthcare service lama nasa leh zual zawk a technology hman tangkai lam pawh a sawipui a. 

Prime Minister chuan India ram mipuite chuan technology an hman tangkai zung zung thu leh an chhawr nasat thusawiin loneitute chuan technology an chhawr tangkai hle a, hei vang hian agriculture lamah pawh Artificial Intelligence (AI) hman tangkaina tur hi kawng tam tak a awm thei a ni a ti a. Prime Minister chuan zirlaite leh loneitute'n an hman tangkai theih tur virtual lab din chungchangte pawh a sawi lang a. Sundar Pichai chuan PM hi ram chhung a google in product thar leh hmalakna an neihte hrilhin AI Research Lab pawh Bengaluru ah din anih tawh thu leh Google in a siam flood forecasting (tuilian thleng thei hrilh lawkna lama hmalakna) tangkaipui a nih dan a sawi lang a ni.

Prime Minister hi Google-in India rama investment fund liantham tak kalpui a tum thu leh thawhhona hrang hrang siam an tum thu hrilh hriat a ni a. Prime Minister chuan India ram chu khawvel a economy in hawng ber ram anih thusawiin tun hnaia agriculture lama reform kalpui tura ruahmanna siamte leh hnathar siam tura hmalakna a kalpui te a sawi lang a. Hei bakah hian thiam thil hman tangkai theih nei tura inkaihhruai leh hmalak a pawimawh zia thu pawh a sawi a ni.

Prime Minister chuan data security leh privacy humhalh chungchang pawh sawipuiin tech company-te hian mipuite'n an rinngam theih tura hma an lak a ngai a ni a ti a. Cyber attack hmang a cyber crime-te leh dinhmun derthawng a insiamna chungchang pawh a sawilang a. Heng bakah hian Online education zau zawk a kalpui thei tura technological solution lamte, tual tawng hmang a technology hmante, khelmual chhung ang mai a ngaihtheih tur AR/VR hmanga stadium-like view experience siamte leh digital payment lama hmasawnnate an sawi dun bawk a ni.

- PIB Aizawl