SEDP SEM THEIHLOH CHHUANLAM-AH COVID 19 HMAN HI MNF ZE NGAI LANNA AH KAN NGAI - BJP Thalai

Aizawl | July 29, 2020: BJP Mizoram thalai chuan thuchhuah siamin, tunhnai a Education Minister Pu Lalchhandama Ralte in a, Lirnghing tuar te a tlawh na a a thusawi ah, SEDP an sem theihloh chhan ah Covid 19 hripui leng a puh chu, BJP thalai chuan mak an tih thu an tarlang.
BJP Ṭhalai chuan,  "He hripui leng hi inhumhim nan leh Mizo mipui te hma a hmaiphih nan a hman hi a zahthlak kan ti hle a, Mizo mipui te zahloh na ah kan ngai a ni." an ti bawk.



BJP ṭhalai chuan, Covid 19 hrileng vanga Central Sorkar in kawng engkimah Mipui te harsatna awmlo tur in State Sorkar ah Sum an pe a. State sum tam tak hmang anga an insawi thin chu mizo mipui te bum tumna mai ah kan ngai a, Central Sorkar hian State Sorkar apuihna sum ringawt pawh hi keini Mizoram State tan chuan thatpui tham anih zawk kan ring a ni." an ti a.

 "Sorkar na chelhmek tu MNF kaihhruai hian an Manifesto hmanga mizo mipui rethei Vote an hmuh ang ngei hian chhuanlam dang siam lo a a rang thei ang ber a hma la mai tur in BJP Mizoram Pradesh thalai chuan kan ngen a ni." tiin sawrkar an ngen bawk.





(A hnuaia fakna hi lo hmet ve rawh.)

Post a Comment

0 Comments