CENTRE IN STATE TE HNENA GST PEK TUR A PE THEI LO ANG - Union Finance Secretary

29 JULY 2020: Finance Secretary Ajay Bhushan Pandey  chuan Parliamentary Standing Committee on Finance, nimin Thawhlehnia inhmukhawm hnenah, "tuna GST State Sorkar hnena a pek dan pangngai (revenue sharing formula) ang hian a pe thei lo ang" a ti. He Committee hi BJP MP Jayant Sinha kaihhruai a ni.


He meeting a tel te sawi dan chuan  Mr. Pandey, Finance Secretary hian hri pui len avanga chhiah khawn khawm nasa taka a tlak hniam vangin hei hi a sawi chhuak a, member te chuan Sorkar chu GST chhiah khawn dan hman anih dawna state te hnena a thu tiam tawh a phatsan dawn em ni, tiin an zawt nghal a.

 Mr. Pandey, Finance Secretary chuan " Tun ang hunah hian GST Act ah hian ziah lan awm chu, he dan hian state te hnenah compensation pekna dan ennawn theihna dan a awm a, chu chu; nasa taka chhiah khawn a tlak hniam chuan" tih thu a sawi a, member te chuan chutiang chu eng dinhmun chiah nge anih tiin an zawt nghal bawk a ni.

Thawhțanni khan Finance Ministry chuan Central in tangka kum hlui 2019-20 chhunga State te hnena GST compensation  pek tur, a la pek loh ₹13,806 crore pek tlak anih thu a sawi.

GST Council meeting hi July thla chhung hian GST compensation state te hnena pek dan tur chungchang (formula) chhut chhuak țha tura koh tum a ni a, mahse tun thleng hian Council meeting chu koh a la ni lo.

Hemi chungchangah hian eptu member te chuan lockdown hnua vawikhatna atan an inhmukhawm chauh chu awm lo an tih thu leh "India sum leh pai dinhmun te, sum hmuh dan te leh thil pawimawh sum kaihnawih tam tak sawi țul a awm" tiin Sorkar chu an chhuah chhal a ni.

Congress MP te: Manish Tewari, Ambika Soni, Gaurav Gogoi bakah NCP MP Praful Patel te chuan tuna ram chhung sum dinhmun te, hri pui len avanga nasa taka hnung tawlh mek chungchang te sawiho an duh thu an sawi. Hetiang sawiho rawtna hi ziakin  Mr. Tewari chuan Chairman Mr. Sinha, hnenah a hma hian a lo theh lut tawh a, hetiang hun khirhah hian mipuite chuan he Committee hi thil ngaihtuah zung zung tur leh "thlirna dik" taka thil ngaihtuah turin an beisei a nih thu a lehkhathawnah chuan ziah a ni.

 Mr. Tewari sawi dan chuan Parliament in March 23 a pawm tawh Union Budget pawh tun dinhmunah chuan awmze nei hlei thei a nih tawh loh avang leh Sorkar sum hmuhna leh hmanna tura ruahmanna zawng zawng te pawh   chiang lo leh eng zat nge hmuh anih ang tih leh hmanna tur te pawh hri pui avang hian  a buai zo vek a, chuvangin uluk taka sawiho hi a țul a ni, tih thu a sawi a, Congress MP Gaurav Gogoi pawhin Sorkarin mipuite chhan chhuah a tum dan leh a ruahmanna hi hetah hian sawi hmasak a, thlitfim  ngai a tih thu a sawi bawk.

Committee Chairman Mr. Sinha chuan member tam zawk te thil thlir dan chu politics lam thlirna a nasat deuh avangin Finance Ministry official te tan chhan vek a remchang lo niin a sawi.
Heng zawhna te hi  Finance Minister Nirmala Sitharaman chhan chi a ni a, Parliament țhut hunah hemi chungchang sawi anih hunah chauh sawi leh chhan chi nia a ngaih thu a sawi a ni.

 Mr. Praful Patel Congress MP chuan  Standing Committee on Finance hian thil pawimawh leh ram sum leh pai bul țhut tak tak te sawiho leh zawhna zawh te chhan theih anih dawn loh chuan he Committee awm kher hi a țul lo a, țhiah mai ni rawh se a ti.

Mizoram ah pawh hetianga MLA ten Committee level-a Sorkar na taka an tih ngam ve hi  țul kan ti em?

Source :
The Hindu
July 28, 2020
@ 23:50 IST

====29==07==20==
Huna Kawlvawm





(A hnuaia fakna hi lo hmet ve rawh.)

Post a Comment

0 Comments