PM in Rewa Ultra Mega Solar Power Project hawngin ram tan a hlan; Kum zabi 21 ah hian nizung chakna hi energy mamawh lakna atana kan rinrawl ber tur a ni - PM

Aizawl | July 10, 2020: Prime Minister Narendra Modi chuan Rewa Ultra Mega Solar Power Project chu hawngin ram tan a hlan a. He hun hi video conference hmanga neih a ni a. Asia a kawlphetha (power) project lian ber a ni.

He hunah hian thusawiin Prime Minister chuan Rewa project hian kum reilote chhungin ram bial pumpui chu energy thianghlim leh chhawr nahawm hmunpuiah a siam dawn a ni a ti a. Prime Minister chuan hmalakna chu fakin Rewa leh a chheh vel bakah Delhi Metro tan pawh kawlphetha supply tu a ni dawn a ni a ti.

Madhya Pradesh chu  India rama nizung chakna hmunpui ber a ni thuai dawn tih thusawiin project lian tak tak Neemuch, Shajapur, Chattarpur leh Omkareshwar ah te kalpui mek a nih thu a sawi. 

Heng hmalaknate hi a chhawr ber tur chu Madhya Pradesh a miretheite, middle class-te tlang mite leh loneitute an ni a ti.

Prime Minister chuan Nizung chakna chu tun kum zabi 21-na ah hian India ram tana kawlphetha mamawh lakna hnar ber tur a ni a ti.

Nizung chakna chu a rintlak, thianghlim leh innghahna tlak anih thusawiin Ni in chakna thahruai a pe chhuak reng a; sik leh sa, thing leh mau a khawih buailoh avangin a thianghlim a; kan thahrui mamawh pek theih avangin innghahna tlak a ni tiin a sawifiah.

Prime Minister chuan Nizung chakna project-te chu Aatmanirbhar Bharat (Ram intodelh India) atana hmalakna dik tak an ni a ti.

Intodelh tur leh hmasawn turin economy chu thil pawimawh tak anih thusawiin Economy nge Ecology ngaih pawimawh tur tia inngaihtuah buaina a thleng fo thin a. India ram chuan Nizung chakna project leh sik leh sa khawi buailo hmalakna dang hmangin he buaina hi a sukiang a ni tih thusawiin Pu Modi chuan Economy leh Ecology chu insu buai lovin an kalkawp thei a ni a ti.

Sorkar program zawng zawngah environment humhalh leh ven bakah khawsak tiawlsam thei tur lam ngaih pawimawh thin anih thusawiin programme thenkhat Swachch Bharat, chhungkaw khawsak harsate atana LPG cylinder supply, CNG networks siamte chu khawsak tiawlsam tur leh mirethei leh middle class te khawsak tihmasawntu tur atana ruahman a ni a ti.

Prime Minister chuan environment chhe tur venna atan hian project tlem a zawng a tawk lova, kan nunphung nen a kal kawp a ngai a ni a ti.

PM chuan energy thianghlim kan duhna hi kan hmalakna atang hian a chiang hle a ni tih thusawiin renewable energy project lian ruahman chhuah hi a tichiangtu a ni a ti a. Sorkar chuan ramchhung hmun tin, khawtin leh khua leh tui zawng zawngte'n  an chhawr theihna atan hma a lak thusawiin LED bulb hmanin electricity bill a tih hniam tak dan chu entirna atan a hmang a. LED bulb hmang avangin carbon dioxide chhuak thin chu ton maktaduai 40 dawn laia a tlem tawh thu a sawi a. Hei hian Electricity hman pawh Unit billion 6 a a tihtlem tawh thu leh sorkar sum pawh vaibelchhe 24,000 hum theih anih phah thu a sawi a ni.

Sorkar chuan kan environment, kan boruak leh kan tui a thianghlimna turin hma a lak thusawiin hei hi nizung chakna lama hmalakna policy leh kalphung hian a tilang a ni a ti.

Pu Modi chuan India in entawntlak taka Nizung chakna lama hmasawnna a neih hi khawvel ngaihven a ni dawn tih sawiin hetiang lama hmalakna lian thiam a neih avang hian India ram chu energy thianghlim lama market it awm ber a ngaih a ni a ti.

Prime Minister chuan International Solar Alliance (ISA) chu nizung chakna hman tangkai kawnga khawvel kan inlungrual tlan theihna tur atana din anih thusawiin he hmalakna hi khawvel pakhat, Ni pakhat, hmanraw pakhat tih rilru nei chunga ruahman a ni a ti.

Prime Minister chuan Madhya Pradesh-a loneitute chuan Sorkar KUSUM program chu an chhawr tangkai a beisei thusawiin an sum lakluh belhna hmanrua atan an ram chhungah Solar Energy plant bunsak an nih tur thu a sawi a ni.

India chu kawlpetha thawnchhuak tu lian a nih thuai a beisei thu a sawi a. 

Prime Minister chuan India chuan solar plant atana hardware mamawh hrang hrang photovoltaic cells, battery leh storage te ramdang atanga lakluh ngai tawhlo turin hma a lak mek thu a sawi a ni.

Hemi atan hian chak takin hmalakna kalpui mek a nih thusawiin Sorkar chuan Industry, thalai, MSME-te leh Startup-te chu he hun tha hi bawhpelh lo tur leh Solar energy siamna atana mamawhte siamchhuak a tihchangtlun kawng a hma la turin a fuih a ni a ti. 

COVID-19 hripui leng vanga harsatna kan tawh mek sawilangin Prime Minister chuan Sorkar emaw mipui vantlang tan emaw pawh khawngaihna lanchhuahtir leh fimkhur a kan awm hi he harsatna sukiang tura min fuihthar theitu ber tur a ni a ti a. Inkharkhip bul tan anih tirh atang khan Sorkar chuan mi rethei leh mamawhtute tan eitur leh eirawngbawlna gas te a sem nghal a. Inkharkhip chhunzawm nitawh lo mahse hmalak chhunzawmna atan hian Sorkar chuan chuan kumin November thleng hian a thlawna eitur leh LPG sem hi a kalpui chhunzawm dawn a ni a ti.

He hmalakna mai bakah hian Sorkar chuan private sector a thawktute mi maktaduai engemawzatte EPF account ah sum a thawh sak a. Chutiang bawk chuan PM Swanidhi scheme kaltlangin mi harsate tan chhawmdawlna siam a ni bawk a ti.

Madhya Pradesh tihmasawn a state ropui a siam tura inluh chhuahsan a hnathawk tura penchhuakte chuan he dan - midang nena hlam hnih tala inhlat a awmte, hmai tuamna hmante leh second 20 chhung tal nuai a sahbawn nena kutsil thinte hi an vawng reng tur a ni a ti.

Post a Comment

0 Comments