Lianchhiari Lunglen Tlang lung a khik belh lo!

Aizawl | July 20, 2020: Mizoram hmun pawimawh Lianchhiari Lunglen Tlang lung chu tun hnaia lirnghing vangin a khi nia sawi chu a khik belh lova, a hmaa khi sa a ni.

Lianchhiari Lunglen Tlang lung tolawt Social Media lama lirnghing avanga khi nia sawi chu a khi sa tih INTACH Mizoram Chapter leh MZU Geologist ten an finfiah tih an sawi.

Lung khik belh nia sawi lai chu

Tukin khan Asst. Professor  Dr Laldinpuia leh a hote chuan Lianchhiari Lunglen Tlang lung tolawt hi an enfiah  a,  A lung tolawt chu inthuahthip tuizai awmsaah sik leh sa avangin hun rei deuh tawh atang khan a khi a. February thlaa thlalak leh tuna an tlawh tuma thlalak khaikhinin a khi hi a zauh belh lo niin an sawi a. Asst. Professor  Dr Laldinpuia chuan a hmawr lama thut leh uai a himloh thu te, tum khatah mihring tam lutukin chuan lo se a tih thu a sawi a,a khi lai chu cement hmanga tui lut thei lova zut phui phawt ni se a ti bawk.

Mizoram hmun pawimawh bawk, Thasiama Seno Neihna tlangdung lei khi chat, khik belh hlauhawm dinhmuna ding mek chu tui lut lo turin silpaulin hmanga khuh alo ni tawh bawk.