Mizoram a MFP hmasa ber hian cheng vaibelchhe 250 investment a hmuh belh beisei a ni.
Hmarchhak bialah hian MoFPI support na hnuaiah project 88 sanction a ni.
Aizawl | July 20, 2020: Zoram Mega Food Park (MFP) hian direct leh indirect in mi 5000 tan hnathawh tur a siamsak dawn a, catchment area a CPC (Core Processing Centre) leh PPC (Primary Processing Centre) a loneitu 25,000 velin an chhawr tangkai tur thu Union FPI Minister Pi Harsimrat Kaur Badal chuan a sawi a. Virtual mode a Zoram Mega Food Park hawnna buatsaihah hian Pi Badal chuan thusawiin he park huam chhung a food processing unit 30 vel hmangin investment cheng vaibelchhe 250 hmuhbelh beisei a ni a, kum khat chhung a sum che vel hi cheng vaibelchhe 450-500 vel anih beisei a ni a ti. Pi Harsimrat Kaur Badal hian virtual mode in Zoram Mega Food hi hawngin he hun hi Pu Rameswar Teli, Minister of State for Food Processing Industries leh Dr.Jitendra Singh, Minister of State for Development of North Eastern Region te'n an hmanpui a. Pu Lalnunmawia Chuaungo, Mizoram Chief Secretary; Dr.R.Lalthangliana, Mizoram Commerce and Industries Minister; Pu R.Lalzirliana, Mizoram P&E Minister; Pu C.Lalrosanga, Mizoram Lok Sabha MP leh mi pawimawh dangte chu he virtual event ah hian Mizoram atangin an tel a ni.
Union Minister for Food Processing Industries chuan MFP a food processing (eitur sawngbawlna) atana modern infrastructure (hmanraw changkang/tunlai) bunte chuan loneitu, huanneitu, processor/eitur sawngbawltu leh Mizoram a dawrtu mipui/customer leh a chhehvel a chengte'n an chhawng tangkai hle dawn tih sawiin Mizoram state a food processing sector in a than phah dawn a ni a ti a. Ministry hian Mizoram a Mega Food Park din tura ruahmanna hi Food processing sector hmasawnna atan a pawm a. Khamrang khua Kolasib District a Mega Food Park hi M/s Zoram Mega Food Part Pvt.Ltd. in an promote a ni a. Hei hi Mizoram a Mega Food Park hnathawk thei a awm hmasa ber a ni.
Pi Badal chuan tundinhmunah hian Hmarchhak bialah MoFPI support-na hnuaiah project 88 sanction anih tawh thusawiin chung zing a 41 chu kalpui a ni tawh a ti a. Projects dang vaibelchhe 1000 hu vel pawh subsidy support angin cheng vaibelchhe 520 chuang sanction anih thusawiin project 88 chu zawhfel anih hunah chuan Agro produce (Agriculture thar chhuah) a sumfai a cheng vaibelchhe 2,166 hu MT nuai 8.66 sawngbawl leh vawngtha thei tur a awm tawh dawn a ni a ti.
Pi Badal chuan India rama enterprise din duh investor-te'n awlsam, langtlang leh rang taka hma an lak theih nan Sorkar chu a inhawn thu leh theihtawp a buaipui a inhuam thu a sawi a. Hei hi ei leh bar lama India dinhmun siamthatna atan leh khawvel food factory dinhmun tih nghehna atan a ruahman a ni a. Hemi kawngah hian Sorkar chuan Food processing hi 'Make in India' hnuaia hmalakna tur lian tham zingah a telh a. Prime Minister Pu Narendra modi a kaihhruaina hnuaiah hmathlir zau tak nen Ministry of Food Processing Industries chuan food processing industry hi tichangtlungin agriculture sector pawh nasa takin an than phah dawn a ni a tih bakah loneitute sum lakluh tipungin Sorkar hmalakna 'Make in India' pawh a pui dawn a ni a ti.
Dr. Jitendra Singh, MoS, DoNER chuan Prime Minister-in Ministry zawng zawngte chu Hmarchhak bial hmasawnna atan a hmarchhak a project siam tura a hriattir thusawiin DoNER chu he MFP hmanraw changkang ber ber hmang a thuam hawn anih theih vanga an lawm thu a sawi a. Hei hian Mizoram a eitur sawngbawlna infrastructure a tichangtlung hle dawn a ni a ti.
Pu Rameswar Teli, MoS, FPI chuan Mizoram State Sorkar chuan MFP dinkawngah hian a thawhpui that thu leh a tawiawm that thusawiin MFP dinna hi acre 55.00 a zau ram a ni a ti a. A siam leh sakna atan hian cheng vaibelchhe 75.20 sen anih thusawiin Pu Teli chuan Zoram MFP a facility awmte hian eitur tihchhiat ral mai mai a tihtlem dawn bakah eitur siamchhuah hmangin an hlutna a tipung dawn a ni a ti a. He park hian loneitute sum lakluh a tipun dawn bakah an thar chhuah phu ang an leichhuah theih phah dawn a ni a ti.
M/s Zoram Mega Food Park Pvt.Ltd hi ram acre 55.00 a zau a din niin a project atan hian cheng vaibelchhe 75.20 sen a ni a. He Mega Food Park a Central Processing Centre (CPC) a developer -te'n facility an dah zingah hian Cold Storage - 1000MT, Drywarehouse-3000 MT, Canning leh Aseptic pulp line inkawp, aseptiv leh tetra packing -2 MT/Hr, Ripening Chambers -40 MT/Hr, Spices drying facility - 2MT/Hr, Food Testing Laboratory te an tel bakah hmanraw changkang ber ber hmang a thuam a ni a. He Park hian entrepreneur-te'n office leh thildang a an hman theih tur common Administrative building leh Primary Processing Centre (PPC) 3 Champhai, Thingfal leh Thenzawlah a nei a. Heng facility-te hian catchment area a loneitute hman tangkai theih turin lo/huan bul hnaiah primary processing leh chhekkhawlna (storage) a nei a. He Mega Food Park hian Kolasib district mite bakah a hnaivai Mamit leh Aizawl district bakah Assam a Cachar leh Hailakandi district a chengte pawhin an chhawr tangkai thei dawn a ni.
Mega Food Park Scheme hnuaiah hian Sorkar laipui chuan Mega Food Park project pakhat zel hi sum a chhawmdawlna cheng vaibelchhe 50.00 zel a pe a. Tundinhmunah hian Mega Food Park project 18 chu state hrang hrangah kalpui mek a ni a, Mega Food Park 19 chu State thenkhatah chuan hman tawh an ni a; chung zing a 6 chu Hmarchhak bialah a ni a. Hmarchhak bial a MFP 2 chu Assam leh Mizoram a hman mek a ni.
- PIB Aizawl
Post a Comment
He post chungchanga i ngaihdan lo sawi ve rawh: