Laldenga is Necessary Evil

• Ka memory khâwl ațangin thumal pahnih ka hrechhuak nawlh mai a,țhangthâr te hriatna tizautu atan leh Pu Laldenga,Pu C.Pahlira,Pu HK.Bawichhuaka te hriat rengna ni pah fawmin ka rawn ziak a ni.


• Ring lo mite nen ruallo taka nghawngkawl bah zel duh lovin an zing ata chhuak turin MNF War of Independence puan ani ta rup mai. An thawm mitdelte hriat khawpin tih ang maiin. Chi a sawitham loh Mizo Identity chu Khawvel hriatin BBC-Voice of America etc. an puang ta chuah chuah mai le. A nghawng erawh anâ lua e. Van hnuai thil țha lo tinreng a thleng kim ta. Journalist pakhat chuan,"Khawvel leilunga buaina chhe ber (The worst Insurgency on Earth)a ti ta tawp mai". MNF lungin tângte chhan tûra lo chhuak Senior Advocate PK.Chowdhury chuan MNF te damchhung lungin tâng tur an nih chuan India Sipai te chu 77khaihlum tur tiin a rawn nemnghet hmiah . Chunglam ațanga min lo thlir rengtu chuan kan mangan țawngțaina chhangin -"Ekhai ,India ram hi ram thim ani a,nangni ka Chanchințha hril darh tura ka bel ruatte in inlakhran maiin tunge ka Chanchințha hril darh ang,chuvangin in lamlet ula,State tinah Chanchințha hi hril darh vek rawh u,in hril darh vek hnuah in awmzel dan tur chu ka rel țha leh dawn nia" - a tih âw chuan min kai harh ta. Pa pakhat țawngțai in - 'Lalpa, sualah min hruai lut la,chuta țang chuan min hruai chhuak leh ang che'- a tih ang maiin India ațanga min hruai chhuaktu Pu Laldenga ho in a bo a bang awm lovin, a ropui thei ang berin lâm ang kan lo let leh a. 'Pi buhdeng,pi buh deng,pakhatin buh țhap,buh țhap' tiin lawm in kan lam ta suau suau mai anih kha.
• Remna ni Champha vawi 34-na min hmantir thei tu leh vawiin ni India ram State hrang hranga Chanchințha min hrilh tir thei tu ka memory khâwl ațanga ka herhchhuah chu Pu HK Bawichhuaka Sapțawng 'Laldenga is Necessary Evil tih hi ani. Herhchhuah zel tur pawh a la kuh țun mai.
Pu H.K .Bawichhuaka thusawthusawi chu 
Leldenga hi mițha a ni ka ti lo,mahse Laldenga tel lova remna siam tum hi ka phal lo,ka rem ti lo,buaina a reh ngai lovang,khawvel hriat turin in ko lut a,Mizoram hi Integral Part of India ti a, a puan chhuah hnu a inhnawl leh chuan India mualphona ani ang. Laldenga is Necessary Evil a tih țawngkam chuan Home Ministry palai 3 lo kal te chu a deng dawta .An ni chuan ,"Oh ,Laldenga is NECESSARY EVIL, NECESSARY EVIL, NECESSARY EVIL "tiin an bu ta nghauh nghauh mai. Keini Pu C. Pahlira nen pawh kan lo bu ve sa teh asin.
Hemi zan Pu H.K.Bawichhuaka pindan ril a kan meeting pawimawh thuthlukna chu -Laldenga leadership tundin leh phawt hi a ni. A tuk ațangin kan inpuahchah țan a, Pu C. Pahlira meuh pawh a țul ang ang bawhzuiin thawhlawm khawntu ah ațang ta. Pu Hmingthanga Electric Veng chuan a țul apianga hman turin a motor a thawh. Keipawhin Capt. Zaidarhzaua chu Tuikhuahtlang ka inah lêng a sawmin anin Pu Laldenga hnenah "Naupang School luhna tur tih fel a ni ta "tiin ka phone no. 701 hmangin a hrilh ta. Pu Zoramthanga leh Pu Tawnluia te chu a ruk thei ang bera langin an rawn tlanchhuak ta ani. Arakan headquarter ah Pu Laldenga chu President atan an va tungding leh ta ani. 

Laldengan Independence a sual tak tak.
Vawiin ni thlenga mițhenkhatin politics khelh nan tak Laldengan Independent a tum tak tak lo,nang leh R.Rozama te kha India Sawrkar be turin kum 1969 June khan a rawn tir che u ani lawmni tiin zawhna ka dawng chamchi mai.
He zawhna pawimawh tak hi țhangthar te ka chhanna chu -Tum tak tak hun a awm,Tum tawh loh hun a awm bawk "tih hi ani". Remna palai te engvangin nge an man che u? Tih zawhna ka chhanna pawh "heng thu inthup te țhangthar te hnenah puangzar turin Pathianin min humhim ani" tih hi ani. 
He ka mission hi kum 1985 December khan in biakna tawp ta suihzawm leh turin All Political Party Join Meeting chuan Chairman ah min ruat. Christmas present hawn turin Pu Hrangthankima nen kan thawkthla ve ta,Tahrik 19 December 1958 zan ah inbiakna chat chu chhunzawm leh ani ta. Pu Lalduhawma MP. leh Congress President a țangkai hle. Zanlaiah a nupuiin ar min talh sak. A tukah inbiakna chhunzawm leh in Interim Sawrkara a bo a bang awm lova an kir leh theih nan- (Kashmir) Chief Minister nihna a phut tlat a, 'Kan Sawrkar chuan minute khat pawh kan inngaihtuah tawh lovang ' ti tu te khan Lalțhuthleng kian nghal sela chuan Christmas preswnt kan ngei ang. Hah chhiau chhuak kîr leh mah uihawm a,Lalțhuthleng ken chu uihawm tak ani reng ani. 
MNF War of Independence zet chu:
MNF Volunteer tlangval pakhat chu a țhian ten - "Independence insual lai khan engnge in thawh ber, sawi vek la zû kan khilai ang che" - tiin. Ani chuan - 'Ele,kan tlangchhia mawle,' zû a hlawh ta - Independence sual tak tak hun chhung ,Sahimna (survival)zawn hun (Bangladesh War of Independence)India nen inbiakremna atan kum 20 a ral meuh chuan thinthi in kan mu thei ta. Hmasawnna tam tak hmuh tur a awm ta. MIZO IDENTITY chu Khawvel hriat ani ta. India ram tinah Chanchințha hril turin Missionary tam tak an chhuak ta. Kan hlawhchhuak țeuh mai. Zoram Kanan Thar beiseina lung nen kan thlir ,Ei leh bar intodelh êm êm chungin thlenhlan kan nghakhlel ta. 
Mizo Method, buhkhur hmangin i thar chhuak ang ule.
In țhian

- Vanlalngaia
Formerly:Secretary,
War Council & Director General
MIS.


















2 Comments

He post chungchanga i ngaihdan lo sawi ve rawh:

  1. Copy theih in upload ula ka ti khawp mai... print chhuah ka duh avang in
    type chhuah vek a ngai dawn sia :(

    ReplyDelete
    Replies
    1. kei mah bawk in ka in reply leh ange.. SEO hmang in ka copy tho ka buai tawh lo e

      Delete

Post a Comment

He post chungchanga i ngaihdan lo sawi ve rawh:

Previous Post Next Post