KUM 2013 khan COVID 19 ANG TAK VIRUS WUHAN AH ZIR CHIAN TURIN THAWN A LO NI TAWH*

Aizawl | July 6, 2020: Kum sarih kal tawh  2013 ah khan China ram Scientist te chuan COVID-19 virus ang tak sample vur hmanga vawn țhat chu, Wuhan Institute of Virology (WIV) lab a zir chian turin an thawn tawh tih hriat a ni. China ram chhim thlang lam a darsen (copper) laih chhuahna khur (quarry) a thawk țhin mi paruk ten bak puk chhunga bak ek leh țawp hnawk an thenfaina ațangin khuh leh khawsik (pneumonia) na tak an kai tih Sunday Times chuan a sawi. 

Wuhan Institute of Virology

Heng mi paruk zinga pathumte chu khuh natna an kai vang chuan an thi a, heta an thihna chhan hi _coronavirus_ ang deuh chiah bäk (bat) ațanga an kai a nih thu  transmitted Sunday Times chuan sawiin, kha tih laia damdawi lama thawk,  emergency department a endik hna thawk  chung mite lo dawngsawnga enkawltu hnen ațanga an thu dawn a nih thu tar lan a ni. He dar laih chhuahna khur vek   Yunnan province a awm hi hemi hnu hian Mrs. Shi Zhengli, Wuhan Institute of Virology a thawk, bãk ațanga virus awmdan zir chiangtu leh SARS leh coronavirus mi thiam a ni. (expert in SARS-like coronaviruses of bat origins at the Wuhan Institute of Virology). Wuhan Institute of Virology P4 hi laboratory a ni. 

Shi Zhengli hi bäk ațanga natna hrik a zir nasat leh mi thiam a nih avangin, hming lemah  “bat woman” tih hial a ni a, bäk pukah te kalin bäk ațanga natna hrik "virus" hi a zir nasa hle a, February 2020 a paper a tih chhuahah chuan heta a thil hmuh chhuah hi tuna Covid-19 nen 96.2% a inang a, he coronavirus sample hming atan RaTG13 phuah a ni a, chu chu Yunnan ațangin kum 2013 tawh a hmuh tawh a ni.  The Sunday Times chuan he Coronavirus a hming RaTG13 hi kha dar laih chhuahna khur hlui hlawn san tak ațang hmuh kha "chiang thawkhat takin" (almost certainly) a nih thu a tar lang a ni. 

Shi Zhengli, China ‘Bat Woman’ tih bawk chuan  Coronavirus  hi virus tam tak zinga pakhat a la nih ve lek thu a sawi thung a ni. (Coronavirus is just a tips of iceberg). 

He virus sample leh tuna COVID-19 danglamna hi virus inthlah chhawna an danglam theih dan anga chhutin kum sawm vela inthlau theihna  nei  (evolutionary distance) ni a ngaih anih thu he virus leh COVID-19 inanga hmeh bel ring lo scientist te chuan he thu ziakah hian an sawi bawk.  The Sunday Times chuan hemi chungchang hi Wuhan Institute of Virology chu hriat chian tumin thil awm dan a zawt a,  Wuhan lab hian a zawhna hi an chhang lo a ni. 

Tun  May khan, Director of the Wuhan Institute of Virology chuan an lab ah  RaTG13 virus a nung chung copy hi an nei lo tih a sawi a, chuvangin  heta țanga Khawvel puma virus puh darh theihna chhan tur hi a awm lo a ni. 

Chuvangin, he lab ațanga virus hi put chhuak anih hi finfiahna a awm lo a, Wuhan ațanga chhuaka Khawvel puma darh ta anih hi finfiahna a awm lo tih thu a sawi.

Amaherawhchu, U.S. President Donald Trump chuan  May thlaah tawh khan he hri pui hi Wuhan ațanga rawn put chhuak ngei anih thu sawiin, intelligence services thil sawi dan kalhin a sawi thung a ni. 

Source :

Bloomberg

July 05, 2020

11:32 AM EDT

====06==07==20==

Huna Kawlvawm