Hmeichhe naupang nun chhan nan a nun a chan!

Aizawl | July 6, 2020: Manipur a Pherzawl district a Ṭieulien khua a pu Lalnghetlien chuan hmeichhe naupang tui tla a chhanna lamah a nun chanin a boral.

He thil thleng hi nimin zing dar ruk vela thleng niin, Ṭieulien khua a Tuiruong(Tuiruang/Barak) hi kama awm a ni a,  Ṭieulien kaia lawng tui theh kang/tifai tura apa ten an tirh hmeichhe naupang kum 6 mi, Samuel fanu Lalsangpui chu chesualin lawng aṭangin a tla a, Tuiruong in ala ta a ni.

Chutia Sangpuii tuiin a la chu Lui kama lo awm Pu Lalnghetlien chuan hmuin amah chhan turin a tlan thla nghala Sangpuii chu vaukamah theh chhuakin him dam takin a chhan chhuak a ni.

Mahse, a chhanna lama amah chau tawh bawk nen, Tuiruong suar chak tak chuan Pu Lalnghetlien chu la zuiin a thih phah ta a ni.

A ruang hi nimin vek khan, a tlak aṭanga darkar khat hnu velah hmuin, Ṭieulien thlanmualah vui  liam a ni.

Kum 50 vela upa Pu Lalnghetlien hian a fate kum 4 leh kum 8 inkar pathum leh a nupui Lalhrietpui fa paia rai mek a kalsan a ni. Thudawnna-in a tarlan danin, A nupui, Pi Lalhrietpui hi vohbik/rualban lo a ni bawk.

Lalnghetlien hi Lo neia ei zawng a ni a. Chhungkaw harsa tak aṭanga fate zirna atana harsatna hmachhawn chunga bei fat fat ṭhin a ni.
Pu Ngheta hi mi dang tana inpe tak a ni a. Tunhma pawhin mi pahnih a lo chhan chhuak tawh a, tun hi a ṭum thumna a ni. Nimina hetia chhiatna a tawk ta mai hi a lo chhan chhuah tawhte pawhin a ruang hi kilin an tuar na hle niin thu dawnna chuan a sawi.

An harsatna belhchhah tura tawpna rapthlak tak an tawng hi nu ber Lalhrietpui tan chuan a nain a beidawnthlak hle in a rinawm.

Ṭieulien hi Manipur Pherzawl district a awm niin, Mizoram leh Manipur inrina a awm a ni.