Hripui vangin HRD in JEE, NEET Exam hun sawn hla

Aizawl | July 04, 2020: Coronavirus hri pui leng vangin nimin khan HRD  JEE leh  NEET examinations hun ruat tawh sa chu sawn turin an rel. Nimin piah khan  HRD ministry chuan hemi chungchang ngaihtuahtu tur panel a ruat a, an ni hian July thla chhunga exam buatsaih theih hun tur an thlir dawn a ni.




Amaherawhchu, hri pui coronavirus in ram chhung a tuam chhah avangin, Union HRD Minister Ramesh Pokhriyal chuan vawiin Zirtawpni khan  JEE leh  NEET 2020  examinations hun chu sawn a nih thu a puang. "Zirlaite himna ngaihtuah chung leh  quality education thlir chungin JEE leh NEET exam hun sawn hi kan rel a ni," tih thu  Pokhriyal  chuan tweeter kal tlangin a sawi. 


JEE examination hi   September 1 to 6 ah neih a ni ang, JEE advanced examination  erawhchu September 27  neih a ni ang a, NEET examination chu  September 13 ah neih a ni ang. 

  Union HRD Minister in nimin piaha July thla chhunga exam JEE, NEET exam a theih leh theih loh en tura   panel a ruat te hian exam hun sawn tur hian rawtna an thlen bawk a ni.  Nu leh pa leh zirlaiten hri pui len lai taka exam buatsaih hi țha an tih loh thu an thlen bawk a ni. 


Source 
Live Mint
July 03, 2020 
@ 09:53 PM IST

====03===07==20==
Huna Kawlvawm

Post a Comment

0 Comments