Glee star Naya Rivera a bo !

- Remruati Bawitlung
Columnist, Explore Mizoram

Aizawl | July 9, 2020: American actress, model, singer leh Glee star Naya Rivera (33) chu nimin tlaia a fapa nena chawlh an hmang chu chin hriat loh in a bo.


Naya Rivera hi a fapa Josey Hollis Dorsey (4) nen Lake Piru, Ventura County ah chawlh an hmang a hetah hian lawng an hawh a , lawng chawlhna atanga an chhuah hnu darkar thumna velah lawnga chuang dangten lawng khalhtu awm lo, a chhunga mipa naupang lo muhil lai chu an va hmu a ni.


Glee star Naya fapa Josey chuan anu nena tui an chen thu leh anu chu a rawn let ve loh thu a sawi a , a fapa hian life vest a ha a puitling life vest erawh hak loh in lawngah hian an hmu thung . Naya hi tuiah a tla anih ringin thlawhna atang leh tui thiam ten zawn hna hi an thawk nghal a ni.

Sherrif Capt. Eric Buschow sawi dan in Naya te nufa hi lawng chawlhna atanga an chhuak dun lai pawh hmu an awm a , a fapa thusawi bak thuthar engmah a awm loh thu a sawi tel bawk.

American actress Naya Rivera hi actress, model leh singer a ni a. Kan hriat theuh angin Fox musical comedy- drama series Glee ah Santana Lopez angin hnehsawh takin a chang a, hei bakah hian CBS sitcom 'The Royal family ' ah leh comedy film tho 'The Master of Disguise' ah te pawh a lo inlan ve zak zak tawh a ni.


Naya Rivera hi actor Ryan Dorsey nen kum 2014 khan an innei a , kum 4 an inneih hnuah kum 2018 khan an inthen leh a ni.

Post a Comment

0 Comments