Aizawl | July 09, 2020: Prime Minister Pu Narendra Modi chuan vawiin khan video conference hmangin India Global week hawngin thuchah a sawi.
Harsatna hmachhawn mek sawilangin Prime Minister chuan khawvel intuaithar lehnaah India chuan chanvo pawimawh tak a nei dawn a ni a ti a. Hei hi a chhan chu thil pahnih nen nghet tak a an inzawm thusawiin pakhat chu India mite talen leh a dang chu India chuan reform kalpui a a intuaithar theih vang a ni a ti a. Khawvel pumah India mite'n talent lamah an thawhhlawk thusawiin a bik takin tech industry leh tech professional lamah India mite'n an thawhhlawk hle a, hei hian ngaihhlut pawh a hlawh a ni a ti.
India ram chu talent neihthat lamah chuan power-house a ni tiin hman tangkai theih turin a inpeih reng thu a sawi a. India mite chuan mahni insiamrem leh intuaithar an awlsam thu pawh sawiin hun kaltawh kan thlir kir chuan khawsak phung a ni emaw ei leh bar kaihhnawih lam a ni emaw India hian harsatna tam tak a lo hneh tawh a ni a ti.
India in harhtharna kan sawi chu: harhtharna inngaih pawimawhna keng tel; harhtharna lainatna keng tel; environment leh economy tana harhtharna tluantling leh chenfakawm a ni a ti a.
Prime Minister chuan kum ruk kalta chhung a hlawhtlinna ramin a neihte sawi chhuakin mi zawng zawng finance huam chhungah thun an ni a, chenna leh infrastructure siam lamah nasa takin a thawk a, sumdawnna awlsam zawk a kalpui dan tur a duang chhuak a, GST ang chi tax reform huaisen takte a kalpui a ni a ti.
PM chuan India mite'n paukhauhna rilru leh chhelna an neih tlat avangin ram economy pawhin ngai awh leh turin chawrno a rawn chhuah leh mek a ni a ti.
Beneficiary-ten direct a Sorkar atang a tanpuina an dawn theihna atan technology a tangkai thusawiin hei hian eirawngbawlna gas a thlawn a semte, bank account a pawisa thunte, maktaduai tam tak hnen a a thlawn a buhfai/wheat semte leh thildangte a tih theih phah thu a sawi a ni.
Prime Minister chuan India economy chu khawvel a inhawng zau berte zing a pakhat anih thusawiin India chuan Multinational company te chu India rama inhawng turin a sawm a. Prime Minister chuan India ram chu theihna leh kawng eng tamna hmun a ni a ti.
Agriculture sector a reform kalpui hrang hrangte sawilangin India ram pawn industry-te tan pawh investment tihna atana itawm tak a ni a ti
Prime Minister chuan reform siamtharte chu MSME sector-te'n an chhawr tangkai tur thusawiin anni hian industry lian zawkte an tawiawm thei dawn a ti.
Defence sector leh space sector ah te pawh investment tih theihna a awm thu pawh a sawi a ni.
Prime Minister chuan hripui leng hian India Pharma industry-te chu India ram mai nilo khawvel tan pawh an hlut thu a rawn pho chhuak nawn leh tih sawiin a bik takin ram thang mekte tan damdawi man to tur an tihziaawm sak thu a sawi a ni.
Atma Nirbhar Bharat chu mahni a inhung hran emaw khawvel laka inlak
hran emaw lam a nilo. Mahni intumchawp leh mahni tana siamchhuah lam a ni a ti.
Tunah hian India chu a intuai hriam mek a, hnathawkin hmasawnna lam a hawi mek a ni tiin India chuan mipui tana tha tur leh hmasawnna huapzo a kalpui thusawiin India ram hian mimal tinte chet chhuah hun a nghak a ni a ti.
Forum buatsaih leh Pandit Ravi Shankar-a, khawvel ram zau zawk a classical music theh lartu piancham vawi 100-na a inrual chu lawmawm a tih thu pawh sawi langin khawvel pum huapin inlawmna chibai inbukna Namaste chu inchibaina atana hman lar a ni tawh a ni a ti bawk a. Khawvel tana tha tur leh intuaitharna atan India chuan engkim tih a inhuam a ni a ti.
- PIB Aizawl
Post a Comment
He post chungchanga i ngaihdan lo sawi ve rawh: