COVID 19: Positive thar 13 hmuhbelh; Hri vei mek 129

Aizawl | July 21, 2010: Nimin khan ZMC laboratory-ah swab sample 133 test niin heng zinga 120 a negative a, positive thar 13 hmuhbelh a ni thung.


Heti hian Mizoram ah hri vei mek 129 awmin, enkawl dam tawh 168 an awm a, an vaiin mi 297 an ni tawh.  Mipa 202 niin, hmeichhia hi 95 an ni thung.

ZMC laboratory-a COVID-19 positive thar hmuhbelh te hi mipa vek kum 23-49 inkar niin, Aizawl district ami vek an ni.

An zinga 11 hi RAY building Falkland a BSF sipai quarantine mekte an ni a, COVID-19 symptoms nei an awmlo, a dang pahnih hi ZMC a awm ve ve, pakhat hi Indian Army Jammu & Kashmir atanga lo haw, symptoms nei a ni a, a dang pakhat leh hi ZMC-a a awm laia positive contact atanga kai, symptoms neilo a ni.

Nimina ZMC Laboratory-a District hrang hrang sample test zat:
Aizawl - 111 (Mipa - 93, Hmeichhia - 18)
Hnahthial - 8 (Mipa - 6, Hmeichhia - 2)
ZMC - 14 (Mipa - 9, Hmeichhia - 5)
TOTAL - 133 (Mipa - 108, Hmeichhia - 25)

Nimin vek khan Lunglei Civil Hospital Truenat PCR ah sample 17  test a ni bawk a. Sample test te hi Repeat Test vek niin, Positive sample  repeat BSF Zotlang, Lunglei mi 4 te test  zingah 3 chu an negative a, 1 a la positive a ni.

Anni bakah hian postive contact repeat sample 11 leh midang 2 te an negative  bawk.


Mizoram ah hri vei mek 129 awmin, enkawl dam tawh 168 an awm a, an vaiin mi 297 an ni tawh.  Mipa 202 niin, hmeichhia hi 95 an ni thung.

Post a Comment

0 Comments