Aizawl |July 21, 2020: Nizana Malsawma's Yard, Durtlang Leitana futsal khel zingah COVID 19 positive an awm avangin Durtlang leh Zuangtui veng an inkharkhip.
Veng chhung inkharkhip bakah hian vawiin aṭang khan Durtlang-a futsal khelhna hmun te chu khar rih a nih thu thudawnna chuan a tarlang.
Hetihlai hian City Hospital, Mission Veng chuan vawiin khan thuchhuah siamin, "Ni 20.7.20 (Monday) tlaiah khan kan staff-te leh Hospital danga an staff-te'n Futsal an lo khel hova. Zanah rawn haw in, an haw hnuah an inkhelhna a kal ve, hmun dang a mi pakhat chu positive a ni tih hriatchhuah a ni a. Kan naute nen inkhel ho an nih avangin fimkhur thu hlaah kan naute zawng pawh Quarantine nghal an ni." a ti a.
"Hetiang hi kan dinhmun anih avangin pawn lam mite, kan Hospital rawn tlawh rih lo turin kan inngen e," tiin thuchhuah chuan a sawi.
Leitan Veng chhungah Covid -19 mipuiah inkaidarh theihna a awm avangin fimkhur thilah vawiin Ni 21.7.2020 Dar 12:30 pm aṭang khan thu leh awm hma chu Leitan veng chhungah LOCKDOWN neih tur a ni a. Tumah khawlai/pawn chhuak hrih lo turin an inhriattir.
Inkharkhip chhung hian Dawr zawng zawng (Damdawi dawr tel lovin) khar vek turin tur a ni a. Vengchhungah infiamna lam chi reng reng an khap bawk.
Hetihlai hian hrivei hmuhchhuah thar vang hian Zuangtui veng pawhin fimkhur thu hla-ah an vengah inkharkhip an puang.
Zuangtui task force chuan thuchhuah siamin, "Kan veng chhung mi, kan khua leh tui zingah Covid-19 Positive an awm tak avangin mipui te fimkhur turin kan inngen a, tunah hian Contact tracing neih mek a nih avangin thu leh awm hma chu Zuangtui Veng chhungah *TOTAL LOCKDOWN* puan a ni tih mipuite kan inhriattir" an ti a.
Lockdown hian sumdawnna hmun eichawp dawr, dawrte, bungraw zawrhna, workshop thlengin dawr zawng zawng a huam a, mipuite pawh emergency, loh theihloh thilah lo chuan in lama tawmim turin an ngen.
Hrivei hmuhchhuah thar hi ZMC a doctor thawklai niin thudawnna chuan a sawi bawk.
With Input from - ZoFooty
Post a Comment
He post chungchanga i ngaihdan lo sawi ve rawh: