COVID 19: Hrivei hmuhchhuah tharte an chawlh vangin Thenzawl-ah Total Lockdown puang

Aizawl | July 5, 2020: Nimina COVID 19 hmuhchhuah thar zinga pahnih te Thenzawl-ah an chawlh vangin zanin zanlai dar 12 aṭanga thu leh awm hma chu Thenzawl Town Level Task Force chuan Thenzawl-ah  total lockdown puang.

Thenzawl-ah hian mipui pawn chhuah leh lirthei chhuah khap a ni a, phalna nei lo chu veivah khap niin, dawr an khar vek dawn a. Thenzawl Town Level Task force chuan Thenzawl-a chawlte lakah hian FIR thehluh an tum bawk.

Mi pahnih dawngdah rah Thenzawl khaw pum leh mipui tam takin an tuar hi a pawi tak zet a, hei hi Thenzawl town task force chuan ngai thiam lovin FIR an thehlut dawn a ni.

Zanin dar 7:30 khan Thenzawl Town Level Task Force on Covid-19 chuan committee neiin hetiang hian a rel.

1) Nimin lama Covid-19 vei hmuhchhuah zinga pahnih chu Thenzawla thingpui dawr leh dawr teah te an lo chawlh avangin mipui te ah hripui in kaidarhna a thlen hlauhthawn thilah leh in kaidarh lohna tur a nih beisei in zanin July ni 5, zanlai dar 12:00 atanga thu leh awm hma chu Thenzawl khawchhungah Complete Lockdown puan nise hemi hun chhung hian mipui te chu lirthei emaw ke in emaw pawn chhuah phal ani lova commercial vehicle (sumo, taxi etc) pawh tlanchhuah phal a ni lo. Complete Lockdown chhung hian dawr  hawn phal a ni lova, ram chhuah pawh phal a ni lo.

2) Pawn chhuah phalloh hian heng te hi a huam lovang - (i) Bawnghnute sem, (ii) PHE tui sem, (iii) Police leh dan leh thupek kengkawh tute, (iv) Medical lam hnathawk, (v) P&E hnathawk tur, (vi) Dak pu leh (vii) Task Force duty te a huam lova, (viii) Thenzawl tlan tlang tur lirthei zawng zawng te a huam lo bawk.

3) Veng hrang hrangah naktuk atangin Task Force member te duty leh tur a ni. Zing dar 6 ai tlai lova duty post thlen vek nise, zan dar 10 thleng tal duty ni se.

4) Positive hmuhchhuah thar zinga pahnih ten sawrkar in dan a siam an bawhchhiat avang leh Thenzawl mipui thlabara min siam avangin thuneitu ten an chungah action an lak theihna turin F.I.R thehluh ni se.

Post a Comment

0 Comments