COVID 19: DOCTOR 90 CHUANG AN THI TAWH - IMA

Aizawl | July 15, 2020: Indian Medical Association (IMA) in tuna an hriat dan chuan tuna hri pui leng, COVID-19 hri kai enkawltu doctor 93 zet chuan India ramah nunna an chan tawh a ni.


IMA President Dr Rajan Sharma chuan amah kawmtu hnena a sawi danin  doctor zingah Covid-19 hri kai mi 1,279 an awm tawh a, chung zinga doctor 93 te chu an thi tawh, " tih thu a sawi.

Coronavirus hri kai zinga doctor 771  te chu kum 35  hnuai lam an ni a, doctor 247  te chu kum 35  chung lam an ni a, 261 te chu kum 50 chung lam an nih thu  IMA chief hian a sawi. Heta a sawi hi doctor te chauh niin  healthcare worker dang nurses leh  healthcare staff dang a sawi zingah hian an tel lo a, heng zawng zawng te nen chuan an țhahnem tham hle ang.

"Tunah heng thihna thlen dan hrang hrang hi kan zir bing mek a, mi eng zat chiahin nge thih pui tih te, doctor zingah general practice mi eng zat nge thi, resident doctor eng zat nge, specialist etc tih zawng zawng nen kan hre chiang thuai ang. IMA hian chung chu a buaipui mek a, heng chanchin kim chang tak hi zep leh thup tumna kan nei lo, "  Dr Rajan Sharma chuan a ti.

Dr Jayadevan, IMA Kerala chuan Coronavirus vanga doctor thi tawh zat hi 110 niin a sawi thung. A ni hian tualchhung leh National newspaper ațanga lo chhinchhiah zel a, chumi belh khawm chu a nih thu a sawi. A ni hian nurse leh damdawi lama thawktu thi tawh zat pawh a chhinchhiah thlap thu a sawi.

Dr Jayadevan, hi  India Today in a kawmnah mimal thila a lo chhinchhiah hi IMA hotu  lam a hrilh lem loh thu leh a ma mimal țhahnemngaihna thil mai a nih thu a sawi.

COVID-19 vanga doctor thi hi Maharashtra ah an tam ber a, thi zinga  23% an ni,Tamil Nadu16%,  Gujarat 11%, Delhi 11%  Uttar Pradesh 9 % te a ni.

"COVID-19 vanga Doctor thi zinga  55.5% te chu kum 60 hnuai lam an ni a, an kum chawh rualin kum 56.3 a upa an ni a, , 30% te chu kum 50 hnuai lam an ni a, 21% te phei chu kum 40 hnuai lam an ni. Ka hriat dan chuan doctor nunna chan awm zat hi official taka tih chhuah a la awm lo. Hri pui hian min la chen chilh reng dawn a ni tih hi kan hriat reng a țul tak a ni," Dr Jayadevan chuan a ti. 

Source:
IndiaToday
July 14, 2020 
@ 08:09 IST 

===15==07==20===
Huna Kawlvawm

Post a Comment

0 Comments