AATMANIRBHAR BHARAT & PM SCHEME CHUNGCHANG SEMINAR NEI

Aizawl | July 17, 2020: Vawiin dar 11 khan  BJP Mizoram chuan an State Office Conference Hall ah 'Aatmanirbhar Bharat & PM Scheme chungchang a mipui te hriat tur leh nih phung inzirtirna hun an hmang.


He hunah hian Resource person Pi Lalremsangi Fanai, Dr Zonuntluanga, Pu Vanlalhuma Kawlni, Pu Laldinliana leh Dr Zahawma ten Central Schemes mipui ten a nih na dik hriat theihna atan zirtirna hun an hmang.

He hun hmanpuitu BJP Mizoram Pradesh President Vanlalhmuaka pawhin thusawiin, Central Scheme hrang hrang zirtirna neihna hun a awm chu lawm awm atih thu a sawi a, BJP Mizoram chuan mipui tan nasa takin hma kan la zel dawn a ni, a ti.



Pu Vanlalhmuaka chuan, "India ram State hrang hrangah Covid 19 hrileng vangin mipui mamawh atana hmalakna thuanawp phahna a awm lo va, Covid19 hrileng vanga mipuiin ei leh bar a harsatna an neih loh na turin PM Modi kaihruai chuan theih tawp a chhuah zel a, a chhuah zel dawn bawk a ni,"  a ti. 

Pu Vanlalhmuaka chuan India ramah Congress Sorkarin kum 70 vel min sawp tawh a, Mizoram ah Congress leh MNF hian kum 30 chuang min sawp leh mek bawk a, mipui te hian kan chanvo diktak hi a nihna ang turin kan la hmu lo a ni tih hi Mizoram mipui te hian kan hriat nawn a tan ka sawi duh a, Corruption do ngam tak tak lo, mipui hma a hmaiphihnan chauha insawisel thin heng Party pahnih te mizia hi Mizoram mipui te hian kan hnawlngam a pawimawh em em a ni a ti bawk. BJP Mizoram Pradesh chuan Mizoram thar din tura hmalak hi kan thupui a ni. Mizoram hi mahni ke in a kal thei ani tih hi kan chiang a.Kut dawh rama awm lova State hmasawn ber leh intodelh State a siam hi BJP Mizoram chuan kan tum a ni.

He hun hi Pu Malsawmtluanga State GS leh Pu Vanupa Zathang CSM & VC President in an kaihruai bawk a ni.

Post a Comment

0 Comments