- Omomi
Kan himna kawng awmchhun chu sawrkar thu zawm vek baka mahni remhriatnaa midang inhlauhtir a ni. (Sakei hlauha inhlauh lam a ni lo..)
'Min hlau suh, ka hlauhawm lo' tih ngawt chi pawh a ni lo, pawnlam mite hian min hlau hle se an him phah ka ring.
Quarntine Facility a kan la awm lai hian a chhungah Social distancing ṭangkai lo mah se, pawnlam mi nena intlawh pawh loh hi a him ber.
Kar khat lai ka awm ta, Swab test result kan nghak mek a, kar khat chhungin tuithianghlim in tur leh mamawh zual min pe tura ka chhungte vawi khat ka chah tih loh chu ka chhungte hnenah engmah ka la chah lo. Chu pawh inhmu miah lovin tui thianghlim in tur min pe.
Hmun hrehawm chhuahsanin mahni state kan pan a, hrehawm tlemte kan tawrh peih loh avanga kan chhungkua leh ṭhenawmte hrehawm tawrhtir kan pawisa lo a nih chuan khawlaia natna lengvak lakah kan him zo dawn si lo.
Ei chak kan ngah ang, mahse, kan ei loh avangin kan thi dawn lo. A hma zawng pawn kan ei loh avangin kan thi lo va, kan dam sen ṭul hi. Fur a tla dawn chauh a, kan chawhmeh chak zawng hi ei hun kan ngah dawn, thuawih phawt leh dan zawm hnua him leh dam taka kan duty kan tlak hunah dul hmul khat phuarin kan la ei dawn a lawm.
Chuti ni lova kan lo phi cheng chuan eitu leh ei tur awm lo hian ICU-a leng lo khawpin chhungkua hi damdawi inah kan luh a hlauhawm e.
Him la, i lo him lo a nih pawhin i chhungte leh i ṭhenawmte chhanhim tal rawh.
EXPLORE MIZORAM
(A hnuaia fakna hi lo hmet ve rawh.)
EXPLORE MIZORAM
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: