TIH FUH LOH A AWM!

- C Lalṭhazuala

Columnist, EXPLORE MIZORAM

Khawvel tibuaitu, hripui ṭihbaiawm coronavirus chuan ram hausa leh mimal zalenna dah len mah mahna ram America te meuh pawh a tibuai a.Keini hnam tlem te, india hmarchhak a cheng, Nuaih 15 chuang hret bawr vel tur mizote pawh min tibuai ve tak zet.

Kan ram pilril avang leh tlangram chheng chhe tak a nih avanga lawngchawlhna lian tham te, thlawhna ṭum hmun lian tham leh pawimawh tham a awm lohna te chu kan vanneihpui zaw lel a..ram tam tak an buaia, lockdown an kalpui sup sup hnu, Kan chenna India ram ngei pawn Janata lockdown a kalpui hnuah pawh he hripui hian min thleng mai lova, Ram dang aṭanga rawn haw ten an rawn hawn tihloh chu he ram hian he hri hi a chhung khung lo a ni.

Mahse tun boruakah chuan india ram hmun hrang hranga kan unau, kan thisen zawmpui, kan hmangaih ten an rawn hawn ve ta a, he natna sual kawnga sawrkar hmalakna leh mipui leh pawl hrang hrang ten an ṭawiawmna a ropuiin khawvel hmam zawng zawng entawn atana itawm a tling.

Kristian ram kan nih anga kristian culture inpho ropui leh zualni, Chawlni a inkhawm mawlh mai kan tilo rei ta erawh hi chuan, Inkhawm hun dang chu lo dahṭha ta ila, kan social displine hi engtiang zawng taka nasain ti chhe dawn tak maw, inkhawm te hi Social institution a thil ṭangkai leh inkaihhruaina ṭha a nive hrim hrim si a.

He International pandemic chung changa kan health department leh kan doctor ten mipui hnena an thuhma theh, an awarness campaign kan ti dawn nge? Ṭhenkhatin mipui rilru sukthlek phung a ṭhalo zawnga a nghawng te:-

1)Hripui hi a hlauhawma chu chu hnam tinin an hria, mizo te pawn sailo Lal lai aṭangin kan hria.amaherawh chu, he ti chen kan inkharkhip tak hnu hian kum upa lam rilru kan upa retheih dan inzirtir dan tur an pek chhun chu he hri hi kum upa lamin an thihpui nasa tih deuh chauh a ni a.Rei tak inkharkhip tawh upa te hlimna tur doctor ten an sawi tello.mipui nawlpuiin kan hlau mah mah aṭ Thingtlang lam khaw ṭhenkhat task force te hmalak dan phei chu Commedian search a sawi hlawh a la ni dawn.heibhi awarness inpek over lutuk vang a ni ber ang.

2)A hlauhawm zia inzirtirna te, social distancing a ṭul zia inzirtirna te chu a ṭul ngei e, amaherawh chu he hri Chhungkhung hauhlo mizote chu ṭhenawmah pawh reilote tal pawh dak ngam mang lo khawpa awm tur a ,mipuite instruction pek kan ni a, Tu hnen aṭanga kai nge tih hriat theih tawh loh "Community spread" Aizawl khawpui mi nuaih thum vel chennaah pawh a la thlen loh lai leh, State dang aṭanga rawn haw te, mumal tak a, quarantine an nih tawh pawh a, mipui nawlpui rei mang kheng hnawh chep an ni chhun zawm reng hian fimkhur luatah rilru lam natna, hri dang dai tak a paw chhuak ve ṭeuh ang tih a hlauhawm tho.

3)bacteria te tak te te, mihring mitin a hmuh phakloh hmuh theihna Kan Vetinery Science college lama scientist te leh Pachhunga College science deptt lama Professor te ṭangrualin he coronavirus hmuhtheihna khawl an buatsaih thei zawk daih te, Kan Doctor rual zawk ten a testna khawl lei hautak dan tur zia leh testna laboratory din hau tak dan tur zia te, India ramah pawh chuti zat chauh chu a awm ti a Tv lama an sawi an sawi lai a,College pahnih Scientist ten khawl an bun sak ta mai kha chu mak ve fu ni.Chu khawl hman tlak tak hun engemaw chen an hman hnuah a ngaihna hria mi ṭhenkhat ten test kit chu an lei belh ta ni tur hi a nia.tunah chuan nikhatah mi 600 lai an test thei ve ta hial a. a hlauhawmna ringawt insawi hlauha inup hi reh thuai thuai tawh se aw,  Specific deuh hleka ram ri  khuah khirh lam te, mamawh phurtu driverte chunga kaihhruaina awmze nei siam te leh Positive ni mekte enkawl danah policy specific deuh hlek a siam ni tawh se awww. Pawngpaw in lock down bur reng a khawi i khua in an hnah an rawn pe tih vel sawi tlawr vak vak tawh lo hian.

4)Doctor a ni emaw, Officer sang tak a ni emaw, a insawihlauh zawng ngawta media zawng zawng kaltlanga mipui zirtirna min pek aia ṭha hret, thawven thlak hret ruahhmanna zam chhuak thiam Politician emaw, Officer emaw kan hnam hian a mamawh ta, kan rilru leh thlarau a chau zo ta.

5)Ruahmanna point tam tam leh number te leh "a" te thleng a point number pek, chhiar fe tham, 30% vel chauh chiang kuang taka ken kawh te, tam zawk kenkawh ni silo, rin thu a social media thu belh chian dawllo ringawt a mipui leh mipui intihṭhaih tawn pawh hi na deuh hleka khap beh dan chu a awm tur a ni.Khawbung leh a chheh vela lirnghin denchhena Ṭan tlang panga chhum zing pawh darkar khat vel chhunga social media a insawihlauh, lirnghing tur en tir enge maw tak nei anga  inthawndarh chiam chiam hnam naupang te hi policy thar, mumal leh changkang zawk a, zalen deuh zawka inkaihhruai hi a hun tawh tho lo maw, Quarantine centre hmangaihna nena khauh taka enkawl chhunzawk zel si hian.

C Lalṭhazuala.

(Bematuale)